Popular Bible Verses from Mataio 19

Share

‘Ona silasila atu ai lea o Iesu, ‘ua fa‘apea atu ‘iā te i latou, “E lē mafaia e tagata lenei mea, ‘ae mafaia mea uma e le Atua.”

O lea e lē toe to‘alua ai, a o le tino e tasi i lā‘ua; o lenei, o ē ‘ua fa‘atasia e le Atua, ‘aua ne‘i fa‘ate‘a‘eseina e se tagata.”

‘Ona tali atu ai lea o ia ‘iā te i latou, “Tou te le‘i faitaulia ‘ea. O lē na faia le tagata i le amataga, na ia faia i lā‘ua ‘o le tane ma le fafine,’ na ia fetalai ane fo‘i, ‘O le mea lea e tu‘ua ai e le tane o lona tamā ma lona tinā, ‘ae fa‘atasi ma lana avā; ‘ona ‘avea lea o i lā‘ua o le tino e tasi?’

A ‘ua fetalai atu Iesu, “‘Inā tu‘u mai ia o tamaiti e ō mai ‘iā te a‘u, ‘aua le vaoia i latou; auā e fa‘apei o i latou nei o ē o i le mālō o le lagi.”

‘Ae to‘atele o ē ‘ua muamua e ‘avea ma mulimuli; o ē ‘ua mulimuli fo‘i e ‘avea ma muamua.

‘Ai sē tasi ‘ua ia tu‘ua o fale, po o uso, po o tuafafine, po o le tamā, po o le tinā, po le avā, po o le fānau, po o fanua ‘ona o lo‘u igoa, e maua e ia e ta‘isautuaselau, e fai fo‘i mōna tofi le ola fa‘avavau.

‘Ua tali atu Iesu ‘iā te ia, “‘Āfai ‘e te mana‘o ‘ina ‘ia ‘ato‘atoa ‘ona lelei o lau amio, ‘ia e alu ma e fa‘atau atu au mea, i le e avatu ai i ē matitiva; ‘ona ‘iā te oe lea o le faulaiga‘oloa i le lagi, i le e sau ma mulimuli mai ‘iā te a‘u.”

‘Ona fetalai atu ai lea o Iesu ‘iā te ia, “Se ā le mea ‘e te fesili mai ai ‘iā te a‘u i se mea e lelei? E to‘atasi lē o lo‘o lelei. ‘Āfai ‘e te fia o‘o i le ola, ‘ia e tausi i poloa‘iga.”

‘Ou te fai atu fo‘i ‘iā te ‘outou, e faigofie ‘ona ui atu o se kamela i le pū o le au, ‘ae faigatā ‘ona sao atu le mau‘oa i le mālō o le Atua.”

‘Ou te fai atu fo‘i ‘iā te ‘outou, ‘Ai sē fa‘ate‘a i lana avā, a o le‘i mulilua o ia ma fai avā i se tasi, ‘ua mulilua o ia; o sē fai avā i lē na fa‘ate‘aina, ‘ua mulilua fo‘i lea.”

‘Ona fetalai atu ai lea o Iesu i ona so‘o, “E moni, ‘ou te fai atu ‘iā te ‘outou, e faigatā ‘ona sao atu o le mau‘oa i le mālō o le lagi.