Popular Bible Verses from Ioelu 2

Share

O lenei, ‘ua fa‘apea mai le ALI‘I: ‘Ia ‘outou toe fo‘i mai ‘iā te a‘u ma o ‘outou loto ‘atoa, ma le anapogi ma le fētāgisi ma le tagiauē.

Mulimuli ane, e i‘u ‘ina ‘ou liligi ifo ai lo‘u Agaga i luga i tagata uma; ona perofeta ai lea o ‘outou atali‘i ma o ‘outou afafine, e fai miti o ‘outou toeaina, e iloa fa‘aaliga e o ‘outou taulele‘a.

‘Ia ‘outou saeia o ‘outou loto, ‘ae lē o ‘outou ‘ofu, ma toe fo‘i mai i le ALI‘I lo ‘outou Atua auā e alofa fua ma alofa mutimutivale o ia, e telegese lona to‘asā ‘ua tele fo‘i lona alofa, e salamō ia ‘ona o le leaga.

E i‘u fo‘i ‘ina fa‘aolaina o i latou uma lava o ē vala‘au atu i le suafa o le ALI‘I; auā e i ai le fa‘aolataga i le mauga o Siona ma Ierusalema, fa‘apei ‘ona fetalai mai ai o le ALI‘I, e i ai fo‘i i ē ‘ua totoe o i latou ia e vala‘auina e le ALI‘I.

E muamua ‘ona liua le lā i le pouliuli ma le masina i le toto, i le o‘o ai i le aso tele ma le silisili o le ALI‘I.