Popular Bible Verses from Kalatia 6

Share

‘Aua ne‘i tatou fa‘apalapala i le amio lelei; auā o ona po e tatau ai tatou te selesele mai ai, pe ‘āfai tatou te lē fa‘avaivai.

O lenei, ‘ia tatou agalelei, ‘ia fa‘atatau i mea e tutupu i lea aso ma lea aso, i tagata uma lava, ‘ae maise i le ‘āiga o le fa‘atuatua.

‘Ia ‘outou fesui ‘iā ‘outou avega e ‘ave, ma ia fa‘apea ‘ona ‘outou faia le tulafono a Keriso.

‘Aua ne‘i fa‘asesēina ‘outou, e lē ulagia le Atua auā o le mea e lūlūina e le tagata, o le mea lava lea e seleseleina mai ai e ia.

O sē lūlū i la lona tino, e selesele mai ai o ia i la le tino le mea e pala; a o sē lūlū i la le Agaga, e selesele mai ai e ia i la le Agaga le ola fa‘avavau.

Le ‘au uso e, ‘āfai e maua se tagata i se tasi agasala, o ‘outou o i la le Agaga, ‘ia ‘outou fa‘afo‘i mai lē ‘ua fa‘apeaina ma le loto o le agamalū. ‘Ia fa‘aeteete oe ‘ina ne‘i fa‘aosoosoina fo‘i oe.

Auā pe a manatu se tasi o le tagata aogā ia, ‘ae leai, ‘ua pelogia o ia e ia i lona manatu. A ‘ia ta‘ito‘atasi ma fa‘amasino i lana lava galuega, ‘ona ‘iā te ia lea o se mea e mitamita ai ‘iā te ia lava, ‘ae lē o se tasi. Auā e ta‘itasi ma ‘ave i lana lava avega.