1
Failauga 3:1
O LE TUSI PA'IA - Ekalesia Katoliko Roma
RSCB
O le mea ma lona tausaga i mea uma ma ona lava po i mea uma lava i lalo o le lagi.
2
Failauga 3:2-3
O ona po e fānau mai ai ma ona po e oti ai, o ona po e totō ai ma ona po e lia‘i ai le mea ‘ua totōina, o ona po e fasioti ai ma ona po e fofō ai, o ona po e lepeti ai ma ona po e ati a‘e ai.
3
Failauga 3:4-5
O ona po e tagi ai ma ona po e ‘ata‘ata ai, o ona po e taufaitagitu‘i ai ma ona po e sa‘asa‘a ai, o ona po e lafoa‘i ai ma‘a ma ona po e fa‘apotopoto ai ma‘a, o ona po e feasogi ai ma ona po e lē feasogi ai.
4
Failauga 3:7-8
o ona po e saei ai ma ona po e su‘i ai, o ona po e fa‘alologo ai ma ona po e tautala ai. O ona po e alofa ai ma ona po e ‘ino‘ino ai, o ona po o le tau‘a ma ona po o le nofo lelei.
5
Failauga 3:6
O ona po e sā‘ili ai ma ona po e tu‘u ai ‘ua lē iloa, o ona po e tausi ai ma ona po e lafoa‘i ai
6
Failauga 3:14
‘Ua ‘ou iloa, o mea uma e faia e le Atua e fa‘avavau ia, e lē mafai ‘ona fa‘aopoopo i ai o se mea, e lē mafai fo‘i ‘ona ‘ave ‘ese i ai o se mea; ‘ua faia fo‘i e le Atua ‘ina ‘ia matata‘u tagata i ona luma.
7
Failauga 3:17
‘Ona ‘ou fa‘apea ifo lea i lo‘u loto: E fa‘amasinoina e le Atua lē ‘ua amiotonu ‘atoa ma lē ‘ua amio leaga; auā e ta‘itasi ma ona lava po i mea uma ma galuega uma i lea mea.