Popular Bible Verses from Failauga 4

E sili ‘ona lelei o le to‘alua i le to‘atasi; auā ‘ua ‘iā te i lā‘ua le taui lelei i la la galuega. Auā ‘āfai e pa‘ū le tasi e fa‘atūina o ia i luga e lē la te to‘alua; ‘oi talofa fo‘i i lē ‘ua to‘atasi pe a pa‘ū, auā e leai sē la te to‘alua e fa‘atū ‘iā te ia i luga.

‘Āfai fo‘i e fa‘amanumālō mai se tasi i so lā‘ua, e tete‘eina atu o ia e lē to‘alua; o le maea fo‘i e sautuatolu e lē vave motusia.

‘Āfai fo‘i e ta‘o‘oto fa‘atasi le to‘alua, e mafanafana ai i lā‘ua; ‘ae fa‘apefea ona mafanafana o lē ‘ua to‘atasi?

E sili ‘ona lelei o se lu‘utaga e tasi ma le filemū, i lu‘utaga e lua ma le tigā ma le ‘ai i le matagi.

‘Ona ‘ou mānatunatu lea i galuega tigā uma ma galuega manuia uma; a ‘ua matauaina le tagata ‘ona o lea mea e lē la te tuā‘oi o le mea fa‘atauva‘a fo‘i lea ma le ‘ai i le matagi.

E sili ‘ona lelei o le tama e mativa ‘ae poto, i le tupu e toeaina ‘ae valea ma le lē toe fia a‘oa‘oina.