Popular Bible Verses from Teuteronome 5

Share

‘Ia e āva i lou tamā ma lou tinā pei ‘ona poloa‘i mai ai o le ALI‘I lou Atua ‘iā te oe, ‘ina ‘ia fa‘alevaleva ai ou aso, ‘ina ‘ia manuia ai fo‘i oe i le nu‘u o le a foa‘iina mai e le ALI‘I lou Atua ‘iā te oe.

‘Ia ‘outou sāvavali i le ala uma lava na poloa‘i mai ai le ALI‘I lo ‘outou Atua ‘iā te ‘outou, ‘ina ‘ia ‘outou ola ai, ma ia manuia ai ‘outou, ma ‘ia ‘outou nofo tulu‘i ai i le nu‘u o le a fai mo ‘outou.

‘Aua ‘e te ifo i ai, ‘aua fo‘i ‘e te ‘au‘auna i ai; auā o a‘u o le ALI‘I lou Atua, o le Atua fuā, o lē taui atu i fānau o le amioletonu a o latou mātua, e o‘o i le tupulaga e tolu ma le fa o ē ‘ino‘ino mai ‘iā te a‘u; a ‘ou te alofa i afe o tupulaga o ē alofa mai ‘iā te a‘u, ma tausi mai i a‘u poloa‘iga.

‘Aua ‘e te fai mo oe se tupua ‘ua ta, o se fa‘atusa lava o se mea o i le lagi i lugā, po o i le fanua i lalo, po o i le sami o i lalo o le fanua.

‘Aua ne‘i e fai mo oe ni atua ‘ese i o‘u luma.

‘Aua ‘e te ta‘u fua le suafa o le ALI‘I lou Atua; auā e lē fa‘asaoina e le ALI‘I o lē ta‘u fua i lona suafa.

E! ana ‘iā i latou lenā loto e matata‘u mai ai ‘iā te a‘u, ma tausiusi i a‘u poloa‘iga uma i aso uma lava, ‘ina ‘ia manuia ai i latou ‘atoa ma a latou fānau e fa‘avavau.

‘Ia e tausi le aso sapati ‘ina ‘ia fa‘apa‘iaina; fa‘apei ‘ona poloa‘i mai ai o le ALI‘I lou Atua ‘iā te oe.

‘Aua fo‘i ‘e te mana‘o i le avā a lē lua te tuā‘oi, ‘aua fo‘i ‘e te mana‘o i le fale o lē lua te tuā‘oi, o lona fanua, po o lana ‘au‘auna tane, po o lana ‘au‘auna fafine, o lana povi, po o lana asini, po o se tasi mea a lē lua te tuā‘oi.

‘Aua fo‘i ‘e te mulilua

‘Aua fo‘i ‘e te molimau pepelo i se tasi.

‘Aua ‘e te fasioti tagata.

‘Aua fo‘i ‘e te gaoi.

‘Ia e manatua fo‘i, na fai oe ma ‘au‘auna i le nu‘u o Aikupito, a ‘ua ‘aumaia oe e le ALI‘I lou Atua a‘i lea mea i le ‘a‘ao malosi ma le ‘a‘ao fa‘aloaloa; o le mea lea ‘ua poloa‘i mai ai le ALI‘I lou Atua ‘iā te oe ‘e te faia le aso sapati.

O aso e ono ‘e te galue ai, ma fai ai au galuega uma lava; a o le aso fitu o le sapati lea i le ALI‘I lou Atua; ‘aua ‘e te fai ai se galuega e tasi, o oe, ma lou atali‘i, ma lou afafine, o lau ‘au‘auna tane, ma lau ‘au‘auna fafine, ma lau povi, ma lau asini, po o se tasi o au manu, ma le tagata ‘ese o lo‘o mau ma oe, ‘ina ‘ia mālōlō o lau ‘au‘auna tane, ma lau ‘au‘auna fafine pei o oe lava.

O a‘u o le ALI‘I lou Atua, o lē na ‘aumaia oe nai le nu‘u o Aikupito, o le mea sa nofo pologa ai.