Popular Bible Verses from Teuteronome 6

Share

‘Ia e alofa atu i le ALI‘I lou Atua ma lou loto ‘atoa, ma lou agaga ‘atoa, ma lou malosi ‘atoa.

‘Ia e matuā a‘oa‘o so‘o ai i lau fānau, ma ‘ia e tautalatala a‘i, pe a e nofo i lou fale, pe a e savali fo‘i i le ala, pe a ta‘oto, pe a e tula‘i fo‘i.

‘Ia i ai fo‘i i lou loto o ‘upu nei ‘ou te fai atu ai ‘iā te oe i le aso nei.

Isaraelu e, fa‘alogologo mai ia: O le ALI‘I lo tatou Atua, o le ALI‘I e to‘atasi lava ia.

‘Ia e fusi ai e fai ma fa‘ailoga i lou lima, e ‘avea fo‘i ma pale i le vā o ou mata.

‘Ia e tusi ai fo‘i i pou o lou fale ‘atoa ma ou puipui.

‘Ia e mata‘u i le ALI‘I lou Atua, ma ‘ia e ‘au‘auna ‘iā te ia; o lona suafa fo‘i ‘e te tautō i ai.

A fa‘ao‘oina oe e le ALI‘I lou Atua i le nu‘u na ia tautō ai i ou tamā, o Aperaamo, o Isaako, ma Iakopo, e avatu ‘iā te oe, o ‘a‘ai tetele ma le lelei, ‘e te le‘i faia, o fale fo‘i e tūtūmu i mea lelei uma na e le fa‘atūtūmuina; o vai‘eli fo‘i ‘e te le‘i ‘elia, o tōvine ma olive ‘e te le‘i totōina: a e ‘ai ai, ma e mā‘ona ai, ‘ia oe, ne‘i galo ‘iā te oe o le ALI‘I na na ‘aumaia oe nai le nu‘u o Aikupito, o le mea sa nofo pologa ai.

O poloa‘iga ia, o tulafono, ma fa‘amasinoga na fetalai mai ai le ALI‘I lo ‘outou Atua ‘ia a‘oa‘o atu ai ‘iā te ‘outou, ‘ina ‘ia ‘outou faia i le nu‘u tou te ō atu i ai e fai mo ‘outou; ‘ina ‘ia e mata‘u i le ALI‘I lou Atua, ‘e te tausiusi ai i ana tulafono ma ana poloa‘iga uma ‘ou te fai atu ai ‘iā te oe, o oe, ma lou atali‘i, ma le atali‘i o lou atali‘i i aso uma o lou olaga, ‘ina ‘ia fa‘alevalevaina ai ou aso.

‘Ia e fai fo‘i le amiotonu ma le lelei i luma o le ALI‘I, ‘ina ‘ia manuia ai oe, ma ‘ia e o‘o atu, ma ia fai mo oe le nu‘u lelei na tautō ai le ALI‘I i ou tamā

auā o le ALI‘I lou Atua o ‘iā te oe, o le Atua fua ia, ne‘i tupu le to‘asā o le ALI‘I lou Atua ‘iā te oe, ‘ona fa‘aumatia ai lea o oe a‘i le fogā‘ele‘ele.

‘Aua tou te mulimuli atu i atua ‘ese, o atua o nu‘u e vagavagaia ‘outou

‘Aua tou te tofotofo i le ALI‘I lo ‘outou Atua, fa‘apei ‘ona ‘outou tofotofo ‘iā te ia i Mase.