Popular Bible Verses from Teuteronome 4

Share

‘Ae ‘āfai tou te toe sā‘ili i le ALI‘I lou Atua i lea mea, ‘ona e maua lea o ia, pe ‘āfai ‘e te sā‘ili ‘iā te ia ma lou loto ‘atoa ma lou agaga ‘atoa.

(auā o le ALI‘I lou Atua, o le Atua alofa ia,) na te lē tu‘una oe, na te lē fa‘aumatia oe, e lē galo fo‘i ‘iā te ia le feagaiga ma ou tamā, na ia tautō ai ‘iā te i latou.

Auā o le ALI‘I lou Atua o le afi ma‘ama‘ai ia, o le Atua fuā ia.

Tau ‘ina fa‘aeteete oe ‘iā te oe, ma ‘ia e matuā fa‘aeteete lava ‘iā te oe, ne‘i galo ‘iā te oe nei mea na iloa ai e ou mata, ne‘i te‘a ‘ese ai lou loto i aso uma o lou olaga, a ‘ia e fa‘ailoa atu i lau fānau, ma le fānau a lau fānau

‘Ia e iloa fo‘i i le aso nei, ma ia mafaufau ai lou loto, o le ALI‘I o ia lava le Atua i le lagi i lugā, ‘atoa ma le lalolagi nei, e leai lava se tasi.

Auā o ifea se nu‘u mamalu ‘ua latalata i ai lo latou atua, e pei o le ALI‘I lo tatou Atua ‘ua latalata mai i mea uma lava ‘ua tatou vala‘au atu ai ‘iā te ia?

A o‘o ‘iā te oe le puapuagā, a maua fo‘i oe e ia mea uma lava i aso amulī, ‘āfai ‘e te toe fo‘i atu i le ALI‘I lou Atua ma e fa‘alogo i lona si‘ufofoga

‘Aua tou te fa‘aopoopo se ‘upu i ‘upu ‘ou te fai atu ai ‘iā te ‘outou, ‘aua fo‘i tou te ‘ave‘eseina ai se ‘upu; ‘ina ‘ia ‘outou tausiusi i poloa‘iga a le ALI‘I lo ‘outou Atua ‘ou te fai atu ai ‘iā te ‘outou.