Popular Bible Verses from 1 Tesalonia 5

Share

‘Ia ‘outou saga ‘oli‘oli pea lava. ‘Ia tatalo e lē aunoa. ‘Ia ‘outou fa‘afetai i mea uma lava, auā o le finagalo lea o le Atua ‘iā te ‘outou, ‘iā Keriso Iesu.

‘Ia ‘ato‘atoa ‘ona fa‘apa‘iaina o ‘outou e le Atua lava e ona le manuia; ‘ia tausia lava lo ‘outou agaga ‘atoa uma, i le ma le loto, ‘atoa ma le tino, ‘ia lē mata‘uleagaina, i le afio mai o lo tatou Ali‘i o Iesu Keriso. E fa‘amaoni lava o lē ‘ua vala‘auina ‘outou, o lē na te faia lava.

‘Ia ‘outou, ne‘i taui atu e se tasi le leaga i le leaga i se tasi tagata, a ‘ia ‘outou tausisi e lē aunoa i le mea lelei, o le tasi i le tasi, ‘atoa ma tagata uma lava.

O lea ‘ia ‘outou feapoapoa‘i ai, ma ‘ia fēfa‘amafanafanaa‘i, fa‘apei ‘ona ‘outou faia lava.

Matou te ‘ai‘oi atu fo‘i ‘iā te ‘outou, le ‘au uso e, ‘ia ‘outou apoapoa‘i atu i ē amio fa‘atalanoa, ‘ia fa‘amafanafana i ē loto iti, ‘ia fesoasoani i ē o vaivai, ‘ia ‘outou ‘onosa‘i i tagata uma lava.

Auā e le‘i tofia i tatou e le Atua i le to‘asā, a ‘ia maua le fa‘aolataga ‘ona o lo tatou Ali‘i o Iesu Keriso.

O tagata o le malamalama ‘outou uma lava, ma tagata o le ao; tatou te lē ō i le po ma le pouliuli.