Popular Bible Verses from 1 Tesalonia 4

Share

‘Ona fa‘afuase‘i lea ‘ona ‘aveina a‘e o i tatou o ē ola ma totoe, fa‘atasi ma i latou i ao, ‘ina ‘ia fetaia‘i ma le Ali‘i i le vā nimonimo; ‘ona tatou fa‘atasi pea lava lea ma le Ali‘i.

Auā e afio ifo mai le lagi le Ali‘i lava, ma le ‘alaga ma le leo o le agelu sili, ma le pū a le Atua. E muamua fo‘i ‘ona toe tutū mai o ē ‘ua oti o ‘iā Keriso.

O le finagalo fo‘i lenei o le Atua, ‘ia fa‘apa‘iaina ‘outou, ‘ina ‘ia fa‘amamao ‘outou ma le faita‘aga. ‘Ia ta‘itasi ‘outou ma iloa ‘ona fai o lona lava tino ma le fa‘apa‘iaina ma le ta‘uleleia

Auā ‘āfai tatou te talitonu, ‘ua maliu Iesu ma toetū mai, e fa‘apea fo‘i ‘ona ‘aumaia e le Atua fa‘atasi ma ia ē o momoe ‘ona o Iesu.

ma ‘ia ‘outou taumafai ‘ina ‘ia ‘outou nofo fīfīlemū ‘ia faia a ‘outou lava fe‘au, a ‘ia galulue i o ‘outou lava lima, pei ‘ona matou fai atu ai ‘iā te ‘outou.

Auā e le‘i vala‘auina i tatou e le Atua ‘ia amio leaga, a ‘ia fa‘apa‘iaina lava.