Popular Bible Verses from 1 Samuelu 16

Share

A ‘ua fetalai mai le ALI‘I ‘iā Samuelu, “‘Aua ‘e te va‘ai i lona tino, po o le maualuga o lona tino, auā ‘ua ‘ou tete‘e ‘iā te ia; auā e lē va‘ai le ALI‘I, pei o le va‘ai a tagata, auā e va‘ai tagata i le tino, ‘ae va‘ai le ALI‘I i le loto.”

‘Ona tago lea o Samuelu i le fagu nifo o suāu‘u, ‘ua fa‘au‘u a‘i ‘iā te ia i luma o ona uso; ‘ona osofia lea o Tavita e le Agaga o le ALI‘I, na āfua mai i lea lava aso. ‘Ona tula‘i lea o Samuelu, ‘ua alu i Rama.

‘Ona fai atu lea o Samuelu ‘iā Iese, “‘Ua ‘atoa mai ‘ea taulele‘a?” ‘Ua fai mai o ia, “‘Ua toe lava o le ui‘i; fa‘auta fo‘i, o lo‘o leoleo ia i mamoe.” ‘Ona fai atu lea o Samuelu ‘iā Iese, “‘Ia ‘a‘ami atu ‘iā te ia, auā tatou te lē vagavagai le la‘o‘ai se‘ia sau o ia ‘i‘inei.”