Popular Bible Verses from 1 Samuelu 15

Share

‘Ua fai atu Samuelu, “E tusa, ‘ea ‘ona fiafia o le ALI‘I i taulaga mū ma taulaga, i lona fiafia i le fa‘alogo i le si‘ufofoga o le ALI‘I? Fa‘auta o le fa‘alogo e sili lea i le taulaga ma le usiusita‘i e sili lea i le ga‘o o mamoe po‘a.

Auā o le fouvale, e tusa ia ma le agasala o le fa‘ataulāitu; o le finau vale, e tusa ia ma le leaga o le tapua‘i i tupua. ‘Ua e lafoa‘i le afioga a le ALI‘I, o lea ‘ua lafoa‘i ai o ia ‘iā te oe ‘ia lē fai ma tupu.”

E lē pepelo lava le Mamalu o Isaraelu, e lē salamō fo‘i o ia; auā e lē se tagata o ia e salamō ai.”

“‘Ua ‘ou salamō ‘ina ‘ua ‘ou tofia Saulo e fai ma tupu, auā ‘ua ia liliu ‘ese ‘iā te a‘u, ‘ua na lē fa‘ai‘uina a‘u ‘upu.” ‘Ua tigā ai Samuelu, ‘ua aoina le po o vala‘au o ia i le ALI‘I.