Popular Bible Verses from 1 Samuelu 17

Share

‘Ona tali atu lea o Tavita i le Filisitia, “‘Ua e sau ‘iā te a‘u ma le pelu, ma le tao, ma le tao leoleo; a o a‘u, ‘ou te alu atu ‘iā te oe i le suafa o le ALI‘I o ‘au, o le Atua o le itūtau‘a a Isaraelu ‘ua e fāifai i ai.

E iloa ai fo‘i e lenei fa‘apotopotoga uma, e lē fa‘aolaina tagata e le ALI‘I i se pelu ma se tao; auā o lo‘o i le ALI‘I le tau‘a, na te tu‘uina mai ‘outou i o matou lima.”

‘Ua fai atu fo‘i Tavita, “O le ALI‘I na ia lavea‘i ‘iā te a‘u nai le lima o le leona ma le lima o le urosa, o ia lava na te lavea‘i ‘iā te a‘u a‘i le lima o lenā Filisitia.” ‘Ona fai mai lea o Saulo ‘iā Tavita, “Alu ia oe, ‘ia ‘iā te oe fo‘i le ALI‘I.”

O le aso nei e tu‘uina mai ai oe e le ALI‘I i lo‘u lima, ‘ou te fasi ‘iā te oe, ma ‘ave ‘ese lou ulu; ‘ou te foa‘i atu fo‘i tino oti o ‘au a Filisitia i lenei aso i manu felelei ma manu fe‘ai e tata‘a; e iloa ai e le lalolagi uma, o i ai le Atua ‘iā Isaraelu.

‘Ua ia ‘ave lona to‘oto‘o i lona lima ma ‘ua filifili i ma‘a lamolemole e lima mai le alia, ‘ua fafao ai i le ‘ato o le leoleo mamoe sa ‘iā te ia, (o le taga fo‘i lea,) ma le ma‘atā i lona lima; ‘ona fa‘alatalata atu lea o ia i le Filisitia.

‘Ua fai mai Tavita ‘iā Saulo, “‘Aua ne‘i vaivai le loto o se tasi tagata ‘ona o ia; e alu lava lau ‘au‘auna e tau ma lenā Filisitia.”