Popular Bible Verses from Rum. 4

Share

Aprajámsha sian uwí takakuitiat tura ni nuwé̱ Sarasha takutsuk uunt ajasmataisha tuke iniaitsuk Yus timia nuna nekas enentáimtusmiayi. “Yus nekasash taa” tútsuk shiir awajsámiayi. Núja̱i̱sha nuna naṉkaamas kakaram ajasmiayi. Tuma asa “nekas Yus tana nuna páchitsuk umiktatui” tu enentáimpramiayi.

Kame Yus Papinium Aprajám áatramuiti “Untsurí shuarsha amé wea ajasártatui.” Nu asamtai iisha Aprajámja̱i̱ métek Yus shiir enentáimtakrinkia Yus iincha Aprajám wea áintsaṉ íirmaji. Nú Yuska ti kakaram asa jakaancha iwiaaku awajniuiti tura atsana nunasha ana nútiksaṉ nájanui.

Aya níniak tatsui antsu iincha túramji. Iisha núnisrik ii Uuntri̱ Jesus tama nékaskete tu enentáimtakriṉkia Yus iincha “péṉkeraitme” turamtatji. Jesuska ii tunaari̱n jarutramkatniun surunkamiayi. Tura nuja̱i̱ tunaarincha awajsamu asakrin Yus iin “tsaṉkuramuitrume” tusa Jesusan ataksha iniantkímiayi.

Yus “ti pampaṉtatme” takui̱ Aprajám tí uuntach áyat Yus timian enentáimtak yajutmartinian nákasmiayi. Nuja̱i̱ Yus timia áintsaṉ untsurí shuar ní wea ajasármiayi.

Tuma asamtai Yus ti anenkartin asa Niin nekas enentáimtuinian ashí tsaṉkatkaiti. Núja̱i̱ṉkia Aprajám weasha Yus Aprajáman timia nuna páchitsuk wáinkiartatui. Iisha Aprajámja̱i̱ métek Yus nekas enentáimtakur ní weaitji. Tuma asamtai Muisais akupkámun umirniuncha tura umirniuchuncha mái̱ metek ashí iin Yus ashí Aprajáman timia nuna tsaṉkatramkattaji.

“Shuar ashí ni tunaari̱n Yus asakátar tsaṉkuramu ana nuka shiir enentáimpramniaiti. Uunt Yus ni tunaari̱n enentáimtachma asa ti warasminiaiti.”

Ni péṉker takasmaja̱i̱ Yusja̱i̱ péṉker ajasuitkiuṉka naṉkamantu enentáimtumarainti. Antsu Yus Papí tawai “Aprajám Yus táman nékaskete tú enentáimkiui Yus ‘péṉkeraitme’ tímiayi” tawai. Nu túramu asa Aprajámsha Yus íimmianum naṉkamantu enentáimtumarchamniaiti.