Popular Bible Verses from Rum. 5

Share

Antsu ii tuke tunáa árini̱ṉ Kristu jarutramkamiaji. Nuja̱i̱ iin ti anenmajnia nuna ti paant iniakturmaji.

Nu nákamuja̱i̱ ti shiir enentáimsar natsamshim nákamtsuji. Warí, Yuska ni Shiir Wakaní̱n suramsakrin ii enentái̱n pujurtamuk Yusa anenkartutairi̱n ti paant awajtúrmaji.

Nu arantcha yamái itiurchat pujayatrik nu itiurchatja̱i̱ unuimiártatji tusar waraaji. Waitneasarⁱ katsuntratniuncha unuitiamji. Tura nu waitneasarⁱ unuimiárar ii katsuntramu paant átatui. Tura nuyá̱ Yus ti shiir awajtámsattajnia nuka shiir enentáiji̱a̱i̱ nákastatji.

Tuma asamtai Kristu nekas enentáimtakrin Yus táman nékaskete tu enentáimtakrin tunaarincha awajsámuitji. Tuma asar ii Uuntri̱ Jesukrístu túramuja̱i̱ aṉkant shiir pujá asar Yus nawamkamu pujaji. Tura Ni shiir enentáimtakur Yusai̱ weankaitji. Tura Kristu jarutramkakrin Yus ti anenmaji. Tura tuke anenma asakrin Niji̱a̱i̱ métek shiir ajastin nákakur waraaji.

Iikkia peṉké uwemprachmin asakrin tsawant jeamtai Kristu ashí shuara tunaari̱n jarukmiayi.

Tura ni numpe̱ja̱i̱ tunaarincha awajsamu asar imiá nekas Yus asutiámatniua nuyá̱ uwempraitji.

Núnisaṉ chikichik áishmaṉ umirkachmaja̱i̱ untsurí tunaarintin ajasármiayi. Tura chikichik áishmaṉ umirkamuja̱i̱ untsurí shuar péṉker awajnásarmiayi.

Ii Uuntri̱ Jesukrístu jakamuja̱i̱ Yusja̱i̱ shiir nawamnaikia asar ti waraaji.