Popular Bible Verses from Rum. 3

Share

Túrasha ashí shuarti tunáa túraitji. Tuma asar Yusa shíirmari̱ya̱ tímianu ajastin peṉké jeatsji. Tuma ai̱ṉ Yuska iin Jesukrístuja̱i̱ uwemtikramar waitnentrampra asa ii akikmakchamuja̱i̱ “tunaarincha awajsámuitme” túramji.

Antsu iisha ashí shuarsha núnisaraṉ aya Jesukrístu shiir enentáimtakrin Yus “péṉkeraitme” túramniaitji.

Tura Krístun akupkámiayi ni jakamuja̱i̱ ashí tunaan asakártinian. Túramtai shuar Niin nekas enentáimtuiniakui Yus tsaṉkuramniaiti. Yaunchu tunáa túramun katsunteak enentáimtuschamiayi. Yamái tsaṉkuramnia nuna yaunchu nekáa, nuna turamniuyayi. Tura yamaiya̱ tunaancha tsaṉkureak ashí shuar Jesus táman nékaskete tú enentáimtuinia nu shuaran Yus “tunaarincha awajsaitme” tíminiaiti. Kristu jakamuja̱i̱ nuka paant ajasái.

Akupkámuka aya ii tunaari̱n paant awajtúrmaji. Tuma asamtai akupkámu péṉker umirkatniuja̱i̱ Yus “péṉkeraitme” turamchamniaitji.

Yus Papisha núnisaṉ tawai “Péṉkeran túrin chikichkiksha peṉké atsawai. Yúsnan nekaatniun nakitiáiniawai. Yusnasha e̱a̱iniatsui. Yusai̱ya̱ kanakiar meṉkakatniunam wénawai. Chikichkisha péṉkeran túrin peṉké atsawai.

Nuja̱i̱ páantaiti. Akupkámu umirtsuk aya Jesukrístu shiir enentáimtakrin tunaarincha awajsamu asakrin Yus “péṉkeraitme” túramji.

Péṉkea. Antsu Yuska nekas túratniua nuja̱i̱ métek ashí túriniaiti. Shuar umichu áiniakuisha ni támari̱n mash umiktatui. Ni tamaja̱i̱ shuaran wáitrin awajeakka nusha péṉkeraiti. Núnisaṉ atí. Yus Papisha métek tawai “Támena nu ‘imiá nekasaiti’ tiártatui tura súmamtikramataj tuíniakuisha nupetmaktatme” tawai.