Popular Bible Verses from RANGANIHA 9

Share

Na enoni getera, na ani ga pe me renigi na eraha ngegana, ngaira ka pe murisigegi na marâ, ga bani tahegi. Ngaira ka hagarapera na ataro, ma na nunuta, ga tagarahigi renigi na golo, na siliva, na barasi, na hê ma na apinigê. Na marâ ngegana ka pe bâbâ, se vi ge rongorongo, se vi ge arârâ. Ma nikâ ngaira ka pe urisi parongata, ma ka ama ni nahunahu enoni nga. Ngaira ka hekuasi, ka tanu era, ma ka hanago.

Na pê ka so me tenia na robona tanga na maveta, ma ka vatera renia na ramoha, i manga na raramohata na garagarapinihi. Ka hagapêpura, vi siana ka erasigi na go, se vi na apinige, se vi na ani mavê na rauga. Ma ka girara ma hete, ga erasira na enoni, ga pe nahunia na segesegeha iana God igê na raeta.

Ma hemuri na rimata na angelo ki uhia na anina na ahuri. Inê kê bâsia na higu, i bani vota so i maveta tenia na vavearo. Ka vatea na ramoha, hanana i tangahia renia na kokoro, i so ngavê.

Ga hagapêpura na pê, vi siana ka nahuira ka me na enoni ngegana. Ma ka girara ma hete, ga hagamamasiaga apeta bâraha surigi na hageha gi rima. Na mamasiaganiha, ga vatera na enoni renigi, ka mangagi na mamasiaganiha, na enoni ga hatamigi, matena na garagarapinihi i garera.

Ngaira ka nahunia na maneraha i marungira. Ngaia ki na angelo, i bâsuria na kokoro, i so ngavê. Na Siu ka hêtana renia vi Abatoni, ma na Ai ni Agaia ka hêtana renia vi na Apolione (i vi “Hagaeraha”).