Popular Bible Verses from RANGANIHA 8

Share

Matena na Karena Sipi ki hasuia râ na pita na puru, i pasina God ki mangumanguaga sisite râ noga.

Na ani gi tage na angelo ki uhia na anina na ahuri. Na rangi manga na hêni na aisi ma na gi, haku henia na gapu, ka rangisia ngavê na maveta. Na oruta na apanena na maveta ki tete, ma na apinige igê nikâ ka tete, ma na go maravarava hato igê ka tete.

Ma hemuri inê kê bâsia na ahetaronga, i aheahe i haha, ma kê rongoa, i angi raha, ki vivi: “Uvê, i era ngavê! I era ngavê! Uvê, i page era ngavê tangara na ani hato, ga oga i maveta, matena ga angiangi na ahuri, na angelo gi oru getera ga kahu uhigi!”

Ma hemuri na ruata na angelo ki uhia na anina na ahuri. Ma ka kasia i asi ta na marâ, i bâ manga na barana raha era, i tarê igê na gi.

Ma hemuri na oruta na angelo ki uhia na anina na ahuri. Na apena na bagahigu raha, i noro manga na mangate, ki vota tenia na vavearo, ma ki vota hurigi na ara ni oruta na ve ma na ve banga. Na atana na higu ngekana ki Maheha. Na ara ni oruta na ve ka mahe, ma ka rako na enoni, ga me, renia ga tonomigi na ve, ga mahe.

Ma hemuri na heta na angelo ki uhia na anina na ahuri. Ma ka roto na oruta na apanena na arito, ma na oruta na apanena na hageha, ma na ara ni oruta na higu. Ki roto na oruta na apanena na tangiana, ma ki roto hono nikâ na oruta na apanena na bungiana.