Popular Bible Verses from PILIPI 2

Share

Siana kamu tanugi na marâ, suria vi igamu kamu hengari, ma kamu hetagetage, se suria vi gamu parunigamu hagaborâ. Ma ki tuguhigamu, mu heharitagi, ma siana kamu takusigamu maremi, vi igamu kamu koro teharira na enoni getera. Siana kamu takusigamu maremi ma, ma kamu takusira nikâ hete na enoni getera.

I tuguhigamu, vigamu paronga manga o Kirisito Jesu, i bani paronga vikê

“Ngaia ki tarema i God, ma ngaia ki pe maresuria, vi ngaia ki God, henaka ngaia ki oto tanga. Ma igê na obaniha iana marena, ngaia ki naka vê, ma ki vora renia na kare rakuraku. Ngaia ki vora renia na enoni, ma ki mauri mangara na enoni. Ngaia ki kasia so marena, ma ki tê viteana God tare, henaka i tarahua na mera: na mera nga iana igê na kuruse.

Renia God ki tagara tare i pasimi, hanana vi gamu agana, ma kamu girara mu tanugi na marâ, ga râ suria na katoha iana marena.

Tahema God ki kasia akê, ki teha, ma ki katoa, ki rongo raha na atana teharigi na ara ni ata hato, hanana ngaira hato, ga oga i pasina God, ma i maveta, ma ngaira hato, ga bani me, ka susure, ma ka bêtuhia, ma ka hanetasia o Jesu, ma hanana ngaira hato ka tarohenia mataha, vi o Jesu Kirisito ki na Araha iata, ma ka visia raha God Vaemana renia.

Siana kamu hagagege, se vi gamu hetuguri igê na ara ni marâ, mu tanugi, hanana ga matarotaro na parongami, ma ka ototo, manga i marisita na karena koro God, ga oga i maveta i pasita na enoni, ga era ma ka tasitasi tare. I tuguhigamu, vigamu mavesira mangagi na higu, ga mave i vavearo

Manga ngekana, kariaku hetakui, matena gê oga henigamu, igamu kamu tê viteaku tare, ma i ngekê, matena gê pe oga henigamu, igamu kamu ama ni tê viteaku nga. Mu magutenia ma kamu hanetasia God, ma kamu uhungia nga, vi gamu tahitahi ki bê ki arâ.