Popular Bible Verses from PILIPI 1

Share

Inê kê girara bâkoro na tarana ngekê: God ki bani haganega na tagaraha koro ngekê i pasimi, ma ngaia ki page uria na tagaraha ki bê ki arâ, mataro me ki hagahatongia bâkoro igê na Tangiana, i arâ me igê o Kirisito Jesu.

Na nunginungiha iaku tangagamu ki manga ikê: inê kê nunginungi, hanana na hetakuiha iami ki ama ni raharaha nga, ma kamu girara na ta ki monari, ma kamu hagakitagi bâkoro, hanana mu girara, vi na ta ki oto ngavê. Ma kamu girara mu atea na ta kani koro teha. Tahema igê na Tangiana, i page arâ me igê o Kirisito, ki asa ta na marâ, i pe koro, vi ge gâga i pasimi, se ta na marâ vi ge hagamakigamu.

Suria na mêriha ki na ta? Tangê inê, na mêriha ki no Kirisito. Ma na mera ki na marâ koro era tangê.

Inê kê visia koro God, gê rahesia renigamu hato igê na ara ni matena, inê kê takusigamu igê.

Hoita, igê na ogaha iami ki tuguhigamu, vigamu mauri suria na Taroha Koro renia o Kirisito. Manga ngekana, henaka vi inê kê girara gê vatugigamu, se i mareha, inê kê page rongoa, vi igamu kamu ura gatagata igê na tongesuriha, ma kamu obahaku, ma kamu tagara haku nga tanga na tongesuriha, i marisina na Taroha Koro.

Inê kê tangasia bâraha, ma kê hagêguritogo, vi inê kê page katogi tare na marâ, ga tuguhiê, ma kê ramoramo nga, kê tarohenia o Kirisito i ngekê nga ma igê na ara ni mateni, ma ngekana inê kê page kasia akê o Kirisito igê na mêrihaku hagenani, henaka vigê mauri, se vigê meme.

Renia God ki bani ategamu, kamu vora re na kariana o Kirisito, mareha vi suria ma vi igamu kamu tongesuria, ma suria nikâ hete mu hatamia na mamasiaganiha igê na tagaraha iami tanga.