Popular Bible Verses from EPESO 6

Share

Suria igia ka pe henahunahu henira na enoni, ma henira hete na ataro era i bevoa purua, henira na ani ga araha, ma na ani ga ramata, ma na ani i tonga na raramohata, hanana ga tihigia igê na bagabevoana ngekana.

Igê na ara ni marâ ngegê mu nunginungi, ma kamu avarasia God. Mu nunginungi tare igê na raramohana na Higona Apu. Tahema mu bâbâ maninga tare, ma siana ki meme na apemi. Mu nungia tare God tangara na kariana hato.

Mu tangaru renigi na ara ni tangaruha, God i vategamu renigi, hanana mu girara mu rêra pusia Satana, i uhungia, vi hagabekasigia tare.

Tahema i ngekê mu tangaru renigi na tangaruha, God i votogi! Hanana, matena i arâ me na bagabevoana, igamu kamu page girara mu rêra pusia na merongami, i sugarigamu, ma i murina na matena mu uhungigi bâraha na ara ni tarani, igamu kamu page rêra nganganihaga mênga igê na bani peregami.

Mu taua tare na tongesuriha manga na bêata. Renia ngaia igamu kamu page girara mu ragaraga hunigi na mage rarata, i hanatenigi Satana. Mu taua na tahinga manga na rarasê na kapa, ma kamu taua na tamasinga iana God manga na tatapa borahu, na Higona Apu i vategamu renia.

Tahema mu nanê. Mu hogotenia na monariha igê na kâmi. Mu hagatugunigamu maremi renia na paronga koro ma oto, manga na mane ni me i ngahingahi renia na kapa i matona. Na marumuha iami, hanana mu tarohenia na taroha koro ni marapeha, ki mangagi na buti i ugami.

Hoita, mu obahaku henia na Araha, ma kamu naka, ki hagaramonigamu tare renia na raramohana raha hunia.

“Kenamu ma vaemamu ko takuirerua.” Na ramata ngekê ki hagenago tangagamu, ma ki suru tangagamu nikâ, ki vi, “Mu katokato vikana, hanana na ara ni marâ ka korokoro tangamu, ma kamu gâga arihu i maveta.”

Igamu na kare, ki tuguhigamu, mu têtê viteata na enami, manga i marisimi igê na hagesuringa iana o Kirisito.