Popular Bible Verses from BUKA NI TAKOHA 3

Share

Na ara ni marâ i maveta ikê ka voravora me igê na mateni tange.

Na matena tanga ga apara kare ma na matena tanga ga meme. Na matena tanga ga hasihasi ma na matena tanga ga opaopa. Na matena tanga ga nahunahu enoni ma na matena tanga ga rikira na enoni. Na matena tanga ga hogehoge ma na matena tanga ga totora ruma.

Na matena tanga ga angiangi ma na matena tanga ga ruru. Na matena tanga ga angiangi maramara ma na matena tanga ga mâmâ. Na matena tanga ga mauru haku ma na matena ga usisiheri. Na matena tanga ga heroro ma na matena tanga ga hemasesi.

Na matena tanga ga tarisigi ma na matena tanga ga turatura aporo. Na matena tanga ga munimuni ma na matena tanga ga tamasi. Na matena tanga ga hetakuiheri ma na matena tanga ga hekitenigi. Na matena tanga na hearihatana ma na matena tanga na marapeha.

Na matena tanga ga garigari ma na matena tanga ga hagatasigi. Na matena tanga ga nakanaka ma na matena tanga ga kasikasi.

Inê kê tahetara, vi na ara ni marâ i tanugi God, ki asa vige page riariaga, ma ka tâtâ hagahu hete, ki bê ki arâ. I bara vige hagatonganigi kê nikâ, se vige hagasibagi. Na tauhana God ki katora na enoni, ka hagahigasia ngavê ngaia.

Inê kê tako kê vi: God ki surira na enoni hato, na ani koro ma na ani ga era, suria na ara ni marâ, henaka vi na ta, ngaigi ki tonga na mateni tange.