Popular Bible Verses from Jeremia 31

Share

Aul lang häa, haft de HAR sikj die jewäsen. Ekj sie die noch emma goot jewast, doawäajen kroag ekj die met truhoatje Leew.

Ekj woa dee, dee aum veschorren sent, to drinkjen jäwen, un dee, dee aum veschmachten sent, tofräd stalen.

Dän nieen Bunt dän ekj met de Israeliten moaken woa, wan de Tiet ieescht kjemt, es disa: Ekj woa mien Jesaz en an nenn jäwen, un an daut opp daut Hoat schriewen. Un ekj woa äa Gott sennen, un see woaren mien Volkj sennen. Un doa woat nich een jiedra sienen Noba un sienen Brooda belieren un sajen: “Du sust dän HARN kjanen”. Wiels dan woat een jiedra dän HARN kjanen, een jiedra vom kjlansten bat däm jratsten. Ekj woa an äare Schaund vejäwen, un nich mea aun äare Sinden denkjen.

De HAR sajcht: Horcht emol, de Tiet kjemt, daut ekj eenen nieen Bunt woa met de Lied von Israel un Juda moaken. Daut woat nich soo sennen aus de Bunt wia, dän ekj met äare Elren muak, aus ekj an bie de Haunt neem un ut Ägipten rut leid. Wan ekj doch to an wia, soo aus een Maun to siene Fru es, hilden see dän Bunt nich, sajcht de HAR.