Popular Bible Verses from Jesaja 55

Share

Jie denkjen nich soo aus ekj denkj, un june Wäaj sent nich soo aus miene Wäaj, sajcht de HAR.

Soo väl hecha aus de Himmel äwa de Ieed es, soo väl hecha sent miene Wäaj aus june Wäaj, un es mien denkjen aus jun denkjen.

Sieekjt junt däm HARN, soo lang aus hee sikj finjen lat; roopt am wan hee noch dicht bie es.

De beesa saul nich mea soo läwen aus ieescht, un de Sinda saul aundre Jedanken fieren. Lot am trigj nom HARN komen, daut hee am kaun jenstich sennen. Lot am sikj no Gott kjieren, dee väl vejeft.

Nu komt, wäm doa darscht! Hia es Wota fa junt. Jie, dee kjeen Jelt haben, komt, kjeept, un ät. Komt un kjeept Wien un Malkj onen Jelt ooda betolen.

Krakjt soo aus de Räajen un daut Schnee vom Himmel faulen, un doa nich wada trigj hangonen, oba de Ieed wessat, daut dee fruchtboa es un waussen lat, un Sot toom seien un Broot toom äten jeft, soo saul mien Wuat, woont ekj räd, sennen. Daut woat nich ladich no mie trigjkomen; daut woat daut doonen, waut ekj haben wull, un daut doonen, wuatoo daut jejäft es.

Jie woaren junt freien wan jie rutgonen, un jie woaren frädlich jeleit woaren. De Boaj un de Humpels woaren ver junt oppschrieen un sinjen, un de Beem woaren äare Henj klautschen.

Horcht no daut, waut ekj saj, un komt no mie; lot junt dit groot woaren, dan woa jie Läwen haben. Ekj woa eenen Bunt met junt moaken, dee opp emma bestonen woat, un junt truhoatich goot sennen, soo aus ekj David wia.