Popular Bible Verses from Jesaja 54

Share

Kjeena kaun soont häastalen, waut junt venichten woat; un een jiedra, dee die wäajen waut vekloacht, däm woascht du met diene Auntwuat stell moaken. Soo woat dee, dee däm HARN deenen, daut gonen; soo woa ekj daut enfieren, daut Sachen rajcht gonen, sajcht de HAR.

Wan uk de Boaj vegonen wudden ooda Humpels wieda jesat worden, wudd miene truhoatje Leew fa die nich vegonen, un mien Frädens Bunt nich tosied jesat woaren, sajcht de HAR, dee waut äwrich fa die haft.

Hab nich angst, du woascht die nich schämen brucken; du woascht nich vespott woaren, du woascht nich veacht sennen. Du woascht de Schaund von diene junge Joaren vejäten, un nich mea doaraun denkjen, woo du aus Wätfru veacht wieescht.

Dee wäa die jemoakt haft es dien Maun, sien Nomen es, de HAR, dee aules rejieet. Dee wäa fa Israel heilich es, rat die vom Fient; hee es Gott äwa de gaunze Welt.

Moak dän Hoff fa dien Zelt jrata. Rakj de Zeltdakjen wieda rut un spoa nich; bruck lenjre Strenj, un stoakjre Zeltstekjels.

Aul diene Kjinja woaren sikj vom HARN lieren loten, un dee woaren tofräd un sea jlekjlich sennen.

Een stootje rand mie de Oaja äwa, soo daut ekj mie von die wajchdreid; oba ekj woa emma leeftolich un jenstich to die sennen, sajcht de HAR, dee die vom Fient rat.

Ekj hab die fa een stootje tosied jesat, oba woa sea leeftolich sennen, wan ekj die trigj toopsaumel.

Soo aus ekj emol to Noah säd: Daut Wota woat nienich wada de Ieed bedakjen, soo jäw ekj nu mien faustet Vespräakjen, daut ekj nich woa veläajen met junt woaren un nich mea schellen woa.

Diene Däakja sellen von Rubinen sennen, diene Puaten von kostboaret Steen, un de gaunze Mia von diere Steena.