Popular Bible Verses from Liera 9

Share

Jeff die gaunz han, to daut waut du en diene Krauft doonen kaust; wiels, wan du doot best, waut die uk väasteit, kaust nuscht doonen ooda denkjen, nuscht vestonen ooda weis omgonen.

Noch waut, waut ekj oppe Ieed sach, wia, daut dee wäa daut bosichste ranen kaun, jewent nich emma dän Rees; dee stoakjsta Soldot, jewent nich emma dän Kjrich; dee waut weis sent, haben uk nich emma jenuach to äten; dee waut väl weeten, sent nich emma rikj; un dee waut goot aunjeseenen sent, kjrieen nich emma dän basten Plauz. Tiet un Jlekj spälen emma eene Roll.

Frei die to diene Fru, dee du goot best, un dee Gott die jejäft haft, soo lang aus du dit Läwen, waut nich to vestonen es, oppe Ieed hast; dit es waut du ut daut Läwen un ut diene Oabeit, met waut du die opp dise Ieed bemieechst, hast.

Go un frei die to daut, waut du to äten hast, un drinkj dienen Wien met scheenschmak; dit es, waut du doonen kaust, un dit es, waut Gott die jäwen well.

Weisheit es bäta aus Jewäa toom Kjrich; oba een eensja ruchloosa Mensch vedoaft väl goodet.

Daut es bäta no eenen weisen Mensch sienen rujen Rot horchen, aus no eenen Vewaulta sien schrieen opp Schosels.

Dee waut läwen, weeten daut see stoawen; oba de Vestorwne weeten nuscht. Dee waut doot sent, kjrieen kjeenen Loon mea; kjeena denkjt mea aun an.