Popular Bible Verses from Liera 8

Share

Doawäajen rod ekj, daut de Menschen sikj freien. Doa es oppe Ieed nuscht bätret fa eenem, aus äten un drinkjen, un sikj daut Läwen scheengonen loten un sikj väl jennen. Dit es, waut met eenem bliewen kaun, derch aules, met waut eena sikj en sien gaunzet Läwen bemieecht, soo aus Gott eenem daut oppe Ieed jeft.

Wan doa uk Sinda sent, dee een Läwen fieren, wua see emma wada beeset doonen un uk lang läwen, doawäajen weet ekj doch, daut et fa dee, dee Ieaforcht fa Gott haben, woat goot gonen.

Jieda Sach haft siene Tiet un Uasoak, un de Mensch mott uthoolen, waut am schwoa es.

Kjeena haft de Macht äwa sienen Odem; kjeena haft de Macht äwa sienen Doodesdach; kjeena haft de Macht sikj utem Kjrich ruttoloten; wäa beeset drift, kaun sikj doaderch nich raden.

Wiels de schlajchte Dinja, dee de Vebräakja doonen, nich schwind bestroft woaren, plonen see eegol mea schlajchtet.

Daut es nich to vestonen, waut oppe Ieed väajeit: daut jeft jerajchte Menschen, dee daut soo jeit, aus wan see daut Läwen von de gottloose jeläft haben; un daut jeft gottloose Menschen, dee daut soo jeit, aus wan see daut Läwen von eenen jerajchten jeläft haben. Ekj säd: Dit es uk nich to vestonen.

Eena weet nich, waut noch kjemt; wäa kaun ons sajen, woo daut wieda gonen woat?