Popular Bible Verses from Liera 7

Share

Lot die nich leicht enoajren; wiels de Schosel drajcht dän Oaja em Hoat.

Wan daut goot jeit, dan frei die; un wan daut schwoa jeit, dan denkj no: Gott haft beides de goode un de schwoare Doag jemoakt, un soo kjenn wie nich weeten, waut doa komen woat.

Waut foadich moaken es bäta aus waut aunfangen. Daut es bäta wan eena jeduldich es, aus wan eena stolt es.

Kjeen Mensch oppe Ieed es soo jerajcht, daut hee bloos goodet, un nuscht orrajchtet deit.

Soo aus Jelt eenem Schutz jeft, soo beschizt uk de Weisheit. Daut Väadeel oppe lenjd es, daut de Weisheit däm Weisen daut Läwen behelt.

Goot aunjeseenen sennen es bäta aus scheene Saulw; de Dach, wan eena stoaft, es bäta aus de Dach wan eena jebuaren es.

Daut es bäta wan eena doano horcht, wan eena von eenen weisen Mensch belieet woat, aus no de Leeda von Schosels to horchen

Daut es bäta en een Hus nengonen, wua see truaren, aus en een Hus nengonen, wua een Fast jehoolen woat; wiels een jiedra kjemt no daut Enj, un dee waut läwen, sullen doaraun denkjen.

Een weisa Mensch es met sien Hoat doa wua see truaren; oba de Schosel es met sien Hoat wua jespost woat.