Popular Bible Verses from 1. Chronik 29

Share

Die HAR, jehieet de Kjennichsiea un Jewault, de Harlichkjeit, de Siech un de hechste Pracht. Wiels aules, waut em Himmel un oppe Ieed es, daut es dient. Die HAR jehieet daut Kjennichrikj, wiels du best huach erhowen aus hechsta äwa aules.

Grootet Vemieejen un Iea komen von die, du best Kjennich äwa aules. Un en diene Haunt es Macht un Krauft, un en diene Haunt steit daut, däm groot un stoakj to moaken, wäm du west.

Waut sie ekj? Waut es mien Volkj, daut wie em staund wieren soo väl friewellich to jäwen? Aules es von die jekomen, uk dise Gowen hab wie ieescht von die jekjräajen un dan die jejäft.

Doawäajen well wie die, onsen Gott, danken un dienen harlichen Nomen groot moaken.

David lowd dän HARN ver de gaunze Vesaumlunk un säd: Jeloft best du, HAR, du Gott von onsen Voda Israel, von Eewichkjeit bat Eewichkjeit!