Popular Bible Verses from Carolok 17

Share

Ŋat ma larem bedo ki mar i kare ducu, ki dano ginywalo me nywako peko ki omegine.

Yomcwiny kelo yotkom, cwercwiny miyo dano mok woko.

Dano ma timo kica bot jo ma gitime marac noŋo mito gimare, ento ŋat ma wiye bedo ka po i kom bal ma lawote obalo bote, keto larem woko ki i kingi.

Ŋat ma tye ki ŋec loko lok manok, ki ŋat ma cwinye opye mot en aye dano ma tye ki niaŋ matut.

Kadi bed ŋat ma lamiŋ, ka ce liŋ aliŋa gitwero tamo ni ryek; ma noŋo pe namo doge gitamo ni niaŋ te lok.

Kwon maŋic mo ma icamo ki kuc ber kato karama ma icamo i ot ma opoŋ ki daa.

Lweny cakke matitidi ki lok me pyem macalo pii ma ka iyabo doge koŋ kwoŋo mol manoknok; pi meno myero ijukke woko ma pud peya daa ocakke.

Laŋolkop ma miyo dano marac loyo kop, ki laŋolkop ma ŋolo lok loyo dano ma lokke tye atir, gin aryo ducu Rwot daggi