Popular Bible Verses from Carolok 16

Share

Leg Rwot okonyi i ticci ducu ma itiyo, ci yub ducu ma it ye kwede bicobbe maber dok kakare.

Dano yubo yubbe ki i cwinye, Rwot aye ma telo en miyo cobo maber.

Lok ma giloko ki kica lim calo moo kic, lim mada ma yomo cwiny dok miyo yotkom.

Yub ma tye i tam, meno yub pa dano; ento Rwot aye ma loyo lok ma dano loko.

Ŋat ma kiniga pe mako oyot ber loyo twon oteka, ŋat ma loyo tam ma i cwinye kene loyo ŋat ma omayo gaŋ kulu.

Wakke tero dano i can, ki cwiny me nyatte miyo dano poto i can.

Dano neno ni gin ducu ma etimo tye atir ki tun bote, ento Rwot aye neno cwinye ka leŋ.

Ŋat ma winyo lok me pwony ma gipwonye kwede bibedo ki kwo maber, dok ŋat ma geno Rwot bedo ki yomcwiny.

Gin matidi ma inoŋo ki yo ma atir ber kato lim madwoŋ ma ilimo i yo me bwami.

Tye gin ma dano tamo ni en aye yo ma atir, kun noŋo yo ma kit enu tero en i to.

Dano ma cwinye rac bedo kun keto lok ma nyayo mone i kin dano, ki ŋat ma maro kwoto dano, keyo larem pa jo mapol.