Popular Bible Verses from Latitlok 8

Share

Doŋ aniaŋ maber ni gin ma mitte ma myero dano otim en aye me bedo ki yomcwiny, pien pe tye gin mo maber i lobo kany pi dano, kono camo ki mato mat-gu, ki yomo cwinye macalo etwero, pien man aye gin ma ebiwot kwede i ticce ducu ma etiyo, i kare me kwone ducu ma Lubaŋa omiye i lobo-ni

Kadi bed labalo otim gin marac ma romo tyen miya acel kun medo mwaka ma myero eri kwede i lobo, ento an aŋeyo atir ni jo ma gilworo Lubaŋa aye gibibedo maber, pien gibedo ki lworo i nyime

Kit lok acel acel tye ki karene dok ki yone, kadi bed ayela tye mapek ma obwoyo kom dano woko.

Pe tye dano mo ma tye ki twero me gwoko tipone, kadi ki twero me geŋo ni en pe eto ka nino me tone oromo; pe watwero nuny ki newa pi lweny man, dok tim maraco bene pe bilaro jo ma gin lutim maraco.

Lubaŋa pe keto can oyotoyot i kom dano ka otimo gin marac, omiyo dano ducu guketo cwinygi atika pi timo gin marac.

Tye gin ma konnye pe ma tye ka timme i lobo; tye jo mogo ma kitgi atir ma can poto i komgi ma myero opot i kom lutim maraco, dok tye lutim maraco mogo ma ginoŋo gum maber ma oporre pi jo ma kitgi atir. Doŋ awaco ni man bene gin ma konnye pe.

Dano pe ŋeyo gin ma bitimme i anyim, pi meno aŋa ma twero tito bote kit ma bitimme kwede.