Popular Bible Verses from Latitlok 7

Share

Pe myero iwek kiniga omaki oyotoyot; jo ma lumiŋ aye kano kiniga i cwinygi.

Bed ki yomcwiny i kare ma itye maber, dok i kare ma piny rac ber ipo ni, Lubaŋa aye ma omiyo dano gibedo maber nyo marac, wek dano pe oŋe gin ma bitimme lacen ma noŋo doŋ guto woko.

Agikki me jami ber kato acakkine; dok dano ma diyo cwinye ber kato ŋat ma lawakke.

Adada pe tye dano mo ma kite atir i lobo man, ma timo gin maber keken ma pe balo.

Ryeko twero gwoko dano kit macalo lim gwoko ki ŋat ma tye kwede; ryeko gwoko kwo pa ŋat maryek, man aye ber me bedo ki ŋec.

Bedo ki nyiŋ maber ber kato moo me wel ma ŋwece kur; ki nino me to pa dano, ber kato nino ma ginywale iye.

Ka dano owinyo juk pa ŋat maryek ber, kato ma en obedo ka winyo wer pa lumiŋ

Bedo ber me cito i ot ka ma dano tye iye ka kumo pi to, kato ma icito i ot ma giyubo iye karama; pien to aye agikki pa dano ducu, jo makwo gibipo i lok man dok gibiketo cwinygi iye.

Tam pa dano ma ryek rwatte ki tam pa jo ma gitye ka kumo i ot; ento lumiŋ tamgi rwatte ki tam pa jo ma gitye i ot ka ma ginoŋo iye yomcwiny.