Popular Bible Verses from Latitlok 9

Share

Kit gin mo keken ma inoŋo oye ciŋi me atiya, ti ki tekki: pien tic nyo tam nyo ŋec nyo ryeko mo doŋ pe i lyel, ka ma ibecito iye-ni

Dok aneno ni ŋat madwir pe loyo ŋwec, ŋat matek bene pe en aye ma loyo lweny, pe ŋat maryek aye ma noŋo kwon ma myero ecam, kadi jo ma tye ki ŋec matut pe gin aye ma ginoŋo lonyo madwoŋ, nyo jo makwiri i tic pe gin aye jo ma gipwoyogi; ento kare kacel ki gumkom poto i komgi ducu.

Bed ki yomcwiny kacel ki dako ma imaro, i mwaka me kwoni ducu ka pud ikwo, ki i ticci ma gimiyi ma iri kwede i lobo-ni, pien meno aye dul ma gipoko boti i kwoni ma konnye pe-ni i ticci ma it ye ka tiyone i lobo.

Doŋ icit icam kwonni ki yomcwiny, dok imat koŋo vinoni ma noŋo cwinyi yom ata; pien Lubaŋa otyeko pwoyo gin ma itiyo.

Ryeko ber loyo jami lweny, ento labalo acel keken twero balo lwak jami mabeco mapol at

Ka iwinyo lok pa ŋat maryek mot laliŋ, ber kato ma ibedo ka winyo lok pa laloc ma daŋŋe kwede adaŋa i kin lumiŋ.

Jo makwo giŋeyo ni gibito, ento jo ma doŋ guto woko pe giŋeyo gin mo, dok bene pe doŋ gitye ki bakacic ma gibilimo, dok wi dano wil i komgi woko matwal.