Popular Bible Verses from Latitlok 3

Share

Kit tim acel acel tye ki karene, dok kit lok mo keken tye ki karene i lobo man

Kare ma ginywalo iye dano, ki kare ma en bito iye; kare me pito ginapita, ki kare me puto gin ma gipito-ni woko; kare me neko dano, ki kare me caŋo dano acaŋa: kare me muko ot ki reto woko piny, ki kare me gerone odoco

kare me koko, ki kare me nyero; kare me kumo, ki kare me myel; kare me bolo got atata, ki kare me gurone kacel; kare me kwako lawoti, ki kare ma pe ikwako iye lawoti

kare me yeco boŋo ki kare me kwoyone woko doki; kare me liŋ aliŋa, ki kare me lok; kare me maro dano, ki kare me kwero dano akwera; kare me lweny, ki kare me bedo ki kuc.

kare me yenyo gin mo-ni, ki kare ma jami rwenyo iye arwenya; kare me gwoko gin mo-ni, ki kare me bolone woko

Aŋeyo ni gin mo keken ma Lubaŋa tiyo bedo matwal; pe gitwero medo gin mo iye, dok pe gitwero kwanyo gin mo woko ki i kome. Lubaŋa oketo obedo kit meno, wek omi dano gubed ki lworo i nyime

Abedo ka lok kekena ki i cwinya ni, Lubaŋa biŋolo kop i kom jo ma kitgi atir kacel ki lutim maraco, pien doŋ otyeko yero kare pi kit lok acel acel, ki pi kit tic ducu.