Popular Bible Verses from Latitlok 2

Share

Lubaŋa miyo ryeko, ŋec ki yomcwiny bot dano ma en pwoyo; ento bot dano ma labalo en miye tic me guro jami ki durogi kacel, me amiya bot ŋat ma onoŋo pwoc ki bote. Man bene gin ma konnye pe, rom ki ryemo kor yamo ma kodo.

Doŋ gin maber makato ma dano myero otim en aye ni en myero ocam cam dok omat mat, wek onoŋ yomcwiny i tic ma en tiyo. Ento aneno ni man bene Lubaŋa aye ma omiyo; pien ka Lubaŋa pe, ŋat mo pe twero camo cam dok ŋat mo pe twero noŋo yomcwiny.

Lacen alokke acako niyo jami ducu ma atiyo ki ciŋa ki kit ma ayelle kwede ka tiyone, ci nen, anoŋo ni man gin ma konnye pe, rom ki ryemo kor yamo ma kodo, dok ni pe tye kit magoba mo ma dano twero noŋo i lobo.

Dok gin mo keken ma amito ka waŋa oneno anoŋo; dok pe akwero gin ma yomo cwiny dano, pien anoŋo yomcwiny madwoŋ i tic ducu ma abedo ka tiyone, doŋ meno aye obedo bakacicca pi tic ma atiyo.

Ci cutcut aniaŋ ni ryeko ber kato miŋo macalo cen kato colpiny

Dano maryek neno yo ka ma ecito iye, ma noŋo ŋat ma lamiŋ woto mere i colpiny; ento kadi bed kumeno kit gin acel bipoto i ko m gin aryo-nu ducu.

pien kare mogo dano ma otiyo tic matek ki ryekone, ki ŋec ma en tye kwede dok ki kwirine ducu myero owek jamine bot dano mo ma pe otiyo tic mo liweŋ pire wek ole olony kwede labedo. Man bene gin ma konnye pe, dok gin marac twatwal.