Popular Bible Verses from Latitlok 1

Share

Bedo ki ryeko madwoŋ miyo dano bedo ki cwercwiny madwoŋ bene, ŋat ma ŋecce tye ka medde meno tye ka medo cwercwiny.

Gin ma doŋ otyeko timme en aye gin ma bitimme bene, ki gin ma gityeko tiyo en bene gin ma gibitiyo; pi meno pe tye gin mo manyen i wi lobo-ni kulu.

Kom dano doŋ ool woko ki jami ducu; dano liŋ aliŋa pe twero waco lok mo’ waŋ dano pe twero yeŋ ki gin ma dano neno, kadi ki it bene pe twero yeŋ ki gin ma dano winyo.

Latit-lok owacci, konygi pe, konygi pe! Gin ducu konygi pe, Dano twero noŋo kit magoba aŋo ki i kom tic matek ma en tiyo dyeceŋ jwi-ni?

Atyeko neno gin ducu ma gitye ka tiyone i lobo kany: aneno gin ducu konygi pe, dok gibedo calo ryemo kor yamo ma kodo.

Yalwak me kare man kato, dok yalwak mukene teyo kakare, ento lobo bedo mere matwal.

Pe tye ŋat mo ma po i kom gin mutimme yam wa con, dok pe tye ŋat mo ki i kin jo ma bilubogi ma bipo i kom gin ma bitimme i kare ma pud tye anyim.

Aketo cwinya me ŋeyo ryeko, ki me ŋeyo apoya ki miŋo. Anoŋo ni magi ducu bene obedo calo ryemo kor yamo ma kodo.