Popular Bible Verses from رِسَالَةْ أَفَسُسْ 5

Share

إِيوَا حِيتْ نْتُمَ وْلَادْ اللَّهْ الْعْزَازْ، دِيرُو بْحَالُه. وْعِيشُو فْالْمْحَبَّة، كِمَا بْغَانَا الْمَسِيحْ وْعْطَى حْيَاتُه عْلَى وْدّْنَا، تَقْدِمَة وْدْبِيحَة كَتْرْضِي اللَّهْ.

رْدُّو بَالْكُمْ مْزْيَانْ كِيفَاشْ كَتْعِيشُو، مَاشِي بْحَالْ اللِّي طَايْشِينْ، وَلَكِنْ بْحَالْ الْحُكَمَا. سْتَغْلُّو الْوَقْتْ فْكُلّْ حَاجَة مْزْيَانَة، عْلَاحْقَّاشْ لِيَّامْ خْيَابْتْ.

وْمَا تْسَكْرُوشْ بْالْخْمَرْ حِيتْ كَيْتّْسَبّْبْ فْالْفْسَادْ، وَلَكِنْ تْعَمّْرُو بْالرُّوحْ الْقُدُسْ، وْنْتُمَ كَتّْكَلّْمُو مْعَ بْعْضِيَّاتْكُمْ بْالْمَزَامِيرْ وْالتَّرَانِيمْ وْالْأَغَانِي الرُّوحِيَّة، وْسَبّْحُو الرَّبّْ وْحْمْدُوهْ مْنْ كُلّْ قْلُوبْكُمْ. وْشْكْرُو اللَّهْ الْآبْ فْكُلّْ وَقْتْ وْعْلَى كُلّْشِي فْإِسْمْ رَبّْنَا يَسُوعْ الْمَسِيحْ.

وْعْلَى هَادْشِّي مَا تْكُونُوشْ بْلَا عْقَلْ، وَلَكِنْ فَهْمُو الْمُرَادْ دْيَالْ الرَّبّْ.

آ الرّْجَالْ، بْغِيوْ عْيَالَاتْكُمْ كِمَا بْغَا الْمَسِيحْ حْتَّى هُوَ الْكْنِيسَة وْعْطَى حْيَاتُه عْلَى وْدّْهَا،

حِيتْ كْنْتُو مْنْ قْبَلْ ضْلَامْ، وَلَكِنْ دَابَا رَاكُمْ نُورْ فْالرَّبّْ، إِيوَا عِيشُو بْحَالْ وْلَادْ النُّورْ،

خْضْعُو لْبَعْضِيَّاتْكُمْ حِيتْ كَتْخَافُو الْمَسِيحْ.

آ الْعْيَالَاتْ، خْضْعُو لْرْجَالْكُمْ كِمَا كَتْخَضْعُو لْلرَّبّْ.

وَلَكِنْ نْتُمَ خَاصّْ كُلّْ وَاحْدْ فِيكُمْ يْبْغِي مْرَاتُه كِمَا كَيْبْغِي رَاسُه، وْالْمْرَاة خَاصّْهَا تْحْتَرْمْ رَاجْلْهَا.

«هَادْشِّي عْلَاشْ غَيْخَلِّي الرَّاجْلْ بَّاهْ وْمُّه وْغَيْتَّاحْدْ مْعَ مْرَاتُه، وْغَيْوَلِّيوْ بْجُوجْهُمْ دَاتْ وَحْدَة».

وْمَا تْشَارْكُوشْ فْالْأَعْمَالْ دْيَالْ الضّْلَامْ اللِّي مَا كَتْعْطِي غْلَّة، وَلَكِنْ بْالْعَكْسْ خَاصّْكُمْ تْفَضْحُوهَا.