Popular Bible Verses from رِسَالَةْ أَفَسُسْ 4

Share

وْكُونُو لْطَافْ مْعَ بْعْضِيَّاتْكُمْ، وْحْنَانْ، وْمْتْسَامْحِينْ كِمَا سَامْحْكُمْ اللَّهْ حْتَّى هُوَ فْالْمَسِيحْ.

كُونُو دِيمَا مْتْوَاضْعِينْ، وْلْطَافْ، وْصْبَّارِينْ، وْتّْحَمّْلُو بْعْضِيَّاتْكُمْ فْالْمْحَبَّة.

مَا تْخْرُجْ حْتَّى كْلْمَة خَايْبَة مْنْ فُمّْكُمْ، وَلَكِنْ خَاصّْ كْلَامْكُمْ يْكُونْ مْزْيَانْ بَاشْ تْبْنِيوْ بْعْضِيَّاتْكُمْ عْلَى حْسَابْ الْإِحْتِيَاجْ دْيَالْكُمْ، بَاشْ يْكُونْ بَرَكَة لْلِّي كَيْسَمْعُوهْ.

مَا تْحَقْدُوشْ، مَا تْسَخْطُوشْ، مَا تْغَضْبُوشْ، مَا تْغَوّْتُوشْ، مَا تْسَبُّوشْ، وْبَعّْدُو مْنْ ݣَاعْ الشَّرّْ.

إِلَا تْقَلّْقْتُو مَا تْدَنْبُوشْ. مَا تْخَلِّيوْشْ الشّْمْسْ تْغْرَبْ وْنْتُمَ مَازَالْ مْقَلّْقِينْ، مَا تْعْطِيوْشْ لْإِبْلِيسْ الْوْجْبَة فِينْ يْدْخَلْ.

رَاهْ خَاصّْكُمْ تْحَيّْدُو مْنّْكُمْ الطّْبِيعَة الْقْدِيمَة اللِّي كَانْتْ فِيكُمْ مْنْ قْبَلْ، اللِّي فْسْدَاتْ بْسْبَابْ الشَّهْوَة اللِّي كَتْغَرّْكُمْ، وْخَاصّْكُمْ تْخَلِّيوْ الرُّوحْ يْجَدّْدْ الْأَفْكَارْ دْيَالْكُمْ، وْتْلَبْسُو الطّْبِيعَة الجّْدِيدَة اللِّي خْلَقْهَا اللَّهْ عْلَى حْسَابْ الصُّورَة دْيَالُه فْالتَّقْوَى وْالْحَقّْ دْيَالُه الْمْقَدّْسْ.

وْدِيرُو جَهْدْكُمْ بَاشْ تْبْقَاوْ مْحَافْضِينْ عْلَى الْوَحْدَة دْيَالْ الرُّوحْ الْقُدُسْ بْالْهْنَا اللِّي كَيْجْمَعْكُمْ.

وْهُوَ اللِّي عْطَى لْشِي وْحْدِينْ بَاشْ يْكُونُو رُسُلْ، وْشِي وْحْدِينْ يْكُونُو أَنْبِيَا، وْشِي وْحْدِينْ يْكُونُو مُبَشِّرِينْ، وْشِي وْحْدِينْ يْكُونُو مْسْؤُولِينْ دْ الْكْنِيسَة وْمُعَلِّمِينْ، بَاشْ يْوَجّْدْ الْمُومْنِينْ الْمْقَدّْسِينْ يْدِيرُو الْخْدْمَة دْيَالْ الرَّبّْ، وْهَكَّا يْبْنِيوْ الدَّاتْ دْيَالْ الْمَسِيحْ، حْتَّى نْوَلِّيوْ كُلّْنَا مْتَّاحْدِينْ فْالْإِيمَانْ وْفْمَعْرِفَةْ وَلْدْ اللَّهْ، وْنْوَلِّيوْ نَاضْجِينْ وْكَامْلِينْ فْالْمَسِيحْ.

بَاشْ مَا نْبْقَاوْشْ وْلَادْ صْغَارْ كَيْضْرْبُونَا الْمَّاجْ، وْكَتْدِّينَا كُلّْ رِيحْ دْيَالْ التَّعْلِيمْ اللِّي كَيْجِي مْنْ النَّاسْ وْاللِّي كَيْخْدَعْ، وْبْالْحِيلَة كَيْجَرّْ لْلْغَلَطْ. وَلَكِنْ نْݣُولُو الْحَقّْ بْالْمْحَبَّة، بَاشْ نْكَبْرُو فْكُلّْشِي لْعَنْدْ الْمَسِيحْ اللِّي هُوَ الرَّاسْ.