Popular Bible Verses from رِسَالَةْ كُولُوسِّي 3

Share

تّْحَمّْلُو بْعْضِيَّاتْكُمْ، وْسَامْحُو بْعْضِيَّاتْكُمْ إِلَا كَانْتْ عَنْدْ شِي وَاحْدْ شْكْوَى ضْدّْ لَاخُرْ، كِمَا غْفَرْ لِيكُمْ الرَّبّْ، هَكَّا خَاصّْكُمْ حْتَّى نْتُمَ تْدِيرُو.

دِّيوْهَا فْالْأُمُورْ اللِّي الْفُوقْ مَاشِي فْالْأُمُورْ اللِّي فْالْأَرْضْ،

وْݣَاعْ دَاكْشِّي اللِّي كَتْدِيرُوهْ، دِيرُوهْ مْنْ قَلْبْكُمْ، بْحَالْ إِلَا دْرْتُوهْ لْلرَّبّْ مَاشِي لْلنَّاسْ،

رَاهْ اللَّهْ خْتَارْكُمْ وْقَدّْسْكُمْ وْكَيْبْغِيكُمْ، هَادْشِّي عْلَاشْ خَاصّْكُمْ تْلَبْسُو الرَّحْمَة، وْاللّْطَافَة، وْالتَّوَاضُعْ، وْالضّْرَافَة، وْالصّْبَرْ،

خَلِّيوْ الْكْلْمَة دْ الْمَسِيحْ تْسْكُنْ فِيكُمْ بْالْكْتْرَة، عَلّْمُو وْنَبّْهُو بْعْضِيَّاتْكُمْ بْكُلّْ حْكْمَة، وْغَنِّيوْ وْشْكْرُو اللَّهْ مْنْ قْلُوبْكُمْ بْالْمَزَامِيرْ وْالتَّرَانِيمْ وْالْأَغَانِي الرُّوحِيَّة. وْݣَاعْ دَاكْشِّي اللِّي كَتْݣُولُوهْ وْلَا كَتْدِيرُوهْ، دِيرُوهْ بْإِسْمْ الرَّبّْ يَسُوعْ، وْبِيهْ شْكْرُو اللَّهْ الْآبْ.

وْفُوقْ هَادْشِّي كُلُّه لْبْسُو الْمْحَبَّة حِيتْ هِيَ اللِّي كَتْوَحّْدْ فْالْكَمَالْ.

إِيوَا إِلَا تّْبْعَتُّو مْعَ الْمَسِيحْ، قَلّْبُو عْلَى الْأُمُورْ اللِّي الْفُوقْ، فِينْ ݣَالْسْ الْمَسِيحْ عْلَى لِيمْنْ دْيَالْ اللَّهْ.

وْخَلِّيوْ الْهْنَا دْيَالْ الْمَسِيحْ يْسْكُنْ فْقْلُوبْكُمْ، اللِّي عْلَى وْدُّه عَيّْطْ لِيكُمْ اللَّهْ فْدَاتْ وَحْدَة، وْخَاصّْكُمْ تْشَكْرُوهْ.

إِيوَا قْتْلُو الطّْبِيعَة دْيَالْ الدّْنْيَا اللِّي فِيكُمْ، اللِّي هِيَ الْفْسَادْ، وْالْأُمُورْ الْمْنْجُوسَة، وْالشَّهْوَة، وْالرَّغْبَة الْقْبِيحَة، وْالطّْمَعْ اللِّي هُوَ الْعِبَادَة دْيَالْ الْأَصْنَامْ،

حِيتْ رَاكُمْ مْتُّو وْحْيَاتْكُمْ مْسْتُورَة مْعَ الْمَسِيحْ فْاللَّهْ.

وَلَكِنْ دَابَا رْمِيوْ عْلِيكُمْ ݣَاعْ هَادْ الْأُمُورْ: الْغَضَبْ، السَّخْطْ، الْخُبْتْ، السّْبَّانْ، وْالْكْلَامْ الْقْبِيحْ اللِّي كَيْخْرُجْ مْنْ فُمّْكُمْ.

وْمَا تْكَدْبُوشْ عْلَى بْعْضِيَّاتْكُمْ، حِيتْ رَاكُمْ حَيّْدْتُو عْلِيكُمْ الطّْبِيعَة الْقْدِيمَة وْفْعَايْلْهَا، وْلْبَسْتُو الطّْبِيعَة الجّْدِيدَة اللِّي كَتّْجَدّْدْ فْالْمَعْرِفَة عْلَى حْسَابْ الصُّورَة دْيَالْ هَادَاكْ اللِّي خْلَقْهَا،

آ الرّْجَالْ، بْغِيوْ عْيَالَاتْكُمْ وْمَا تْكُونُوشْ قَاسْحِينْ مْعَاهُمْ.

آ الْوْلَادْ، طِيعُو وَالِدِيكُمْ فْكُلّْشِي حِيتْ هَادْشِّي كَيْرْضِي الرَّبّْ.

آ الْعْيَالَاتْ، طِيعُو رْجَالْكُمْ كِيفْ خَاصّْ يْكُونْ قُدَّامْ الرَّبّْ،