Popular Bible Verses from بُطْرُسْ اللّْوّْلَى 2

Share

وَلَكِنْ نْتُمَ رَاكُمْ سُلَالَة خْتَارْهَا اللَّهْ، وْجْمَاعَة مَلَكِيَّة دْ رْجَالْ الدِّينْ، وْأُمَّة مْقَدّْسَة، وْشَعْبْ دْيَالْ اللَّهْ، خْتَارْكُمْ بَاشْ تْخَبّْرُو بْالْأَعْمَالْ الْعْظِيمَة، دْيَالْ هَادَاكْ اللِّي خَرّْجْكُمْ مْنْ الضّْلَامْ لْلنُّورْ دْيَالُه الْعْجِيبْ.

رَاهْ فْالدَّاتْ دْيَالُه هْزّْ دْنُوبْنَا فُوقْ الصّْلِيبْ، بَاشْ نْمُوتُو حْنَا عْلَى دْنُوبْنَا وْنْحْيَاوْ لْلتَّقْوَى. وْبْالْجْرَاحْ دْيَالُه تّْشَافِيتُو. حِيتْ كْنْتُو بْحَالْ الْغْنَمْ الْمُّوضّْرَة، وَلَكِنْ دَابَا رَاكُمْ رْجَعْتُو لْلرَّاعِي اللِّي كَيْرَدّْ الْبَالْ لْنْفُوسْكُمْ وْكَيْحْضِيهَا.

نْتُمَ مَا كْنْتُوشْ مْنْ قْبَلْ شَعْبْ اللَّهْ، وَلَكِنْ دَابَا وْلِّيتُو شَعْبْ دْيَالُه. وْمَا كَانْتْشْ عَنْدْكُمْ الرَّحْمَة دْيَالُه، وَلَكِنْ دَابَا وْلَّاتْ عَنْدْكُمْ.

وْبْحَالْ الدّْرَارِي اللِّي عَادْ تّْزَادُو، تّْشْهَّاوْ الْحْلِيبْ الرُّوحِي الصَّافِي بَاشْ تْكَبْرُو بِيهْ وْتْنْجَاوْ،

آ خُوتِي الْعْزَازْ، كَنْطْلَبْ مْنّْكُمْ نْتُمَ اللِّي بْرَّانِيِّينْ وْضْيَافْ فْهَادْ الدّْنْيَا، بَاشْ تْبَعّْدُو عْلَى الشَّهَوَاتْ دْيَالْ الدَّاتْ اللِّي كَيْحَارْبُو النّْفْسْ، وْبَاشْ تْعِيشُو حَيَاةْ مْزْيَانَة، فْوَسْطْ الشّْعُوبْ اللِّي مَا كَيْآمْنُوشْ بْاللَّهْ. وْهَكَّا، وَاخَّا يْتَّهْمُوكُمْ بْلِّي كَتْدِيرُو الشَّرّْ، غَيْشُوفُو أَعْمَالْكُمْ الْمْزْيَانَة وْغَيْعْطِيوْ الْعَزّْ لْلَّهْ فْالنّْهَارْ اللِّي غَيْجِي فِيهْ.

إِيوَا كُونُو حْتَّى نْتُمَ بْحَالْ الْحْجَرْ الْحَيّْ اللِّي غَيْتّْبْنَى بِيهْ بِيتْ اللَّهْ الرُّوحِي، وْكُونُو رْجَالْ الدِّينْ مْقَدّْسِينْ بَاشْ تْقَدّْمُو دْبَايْحْ رُوحِيَّة مْقْبُولَة عَنْدْ اللَّهْ بْيَسُوعْ الْمَسِيحْ.

إِيوَا رْمِيوْ عْلِيكُمْ ݣَاعْ الْخُبْتْ وْݣَاعْ الْخْدِيعَة وْالنِّفَاقْ وْالْحْسَدْ وْالْهَضْرَة فْالنَّاسْ،

قَرّْبُو لْعَنْدُه، رَاهْ هُوَ الْحَجْرَة الْحَيَّة اللِّي مَا بْغَاوْهَاشْ النَّاسْ، وَلَكِنْ خْتَارْهَا اللَّهْ وْهِيَ غَالْيَة عَنْدُه.

عِيشُو بْحُرِّيَّة، وْمَا تْكُونُوشْ بْحَالْ هَادُوكْ اللِّي كَيْسْتَغْلُّوهَا بَاشْ يْسَتْرُو الشَّرّْ، وَلَكِنْ كُونُو بْحَالْ الْعْبِيدْ دْيَالْ اللَّهْ.

عْلَاحْقَّاشْ مُرَادْ اللَّهْ هُوَ تْدِيرُو الْخِيرْ بَاشْ تْسَكّْتُو النَّاسْ اللِّي مَا كَيْفَهْمُوشْ.