Popular Bible Verses from بُطْرُسْ اللّْوّْلَى 3

Share

وَلَكِنْ قَدّْسُو الْمَسِيحْ اللِّي هُوَ الرَّبّْ فْقْلُوبْكُمْ، وْكُونُو دِيمَا مُوجُودِينْ بَاشْ تْجَاوْبُو ݣَاعْ هَادُوكْ اللِّي كَيْسْوّْلُوكُمْ عْلَى الرّْجَا اللِّي فِيكُمْ. وْدِيرُو هَادْشِّي بْالضّْرَافَة وْالْإِحْتِرَامْ وْبْضَمِيرْ نْقِي، بَاشْ اللِّي كَيْتّْكَلّْمُو بْالشَّرّْ عْلَى الْحَيَاةْ دْيَالْكُمْ الْمْزْيَانَة فْالْمَسِيحْ، يْتّْحَشّْمُو بْالْكْدُوبْ اللِّي كَيْتَّهْمُوكُمْ بِيهْ.

عْلَاحْقَّاشْ عِينِينْ الرَّبّْ عْلَى اللِّي مْتَّاقْيِينُه، وْوْدْنِيهْ كَيْسَمْعُو لْصْلَاتْهُمْ، وَلَكِنْ الرَّبّْ رَاهْ ضْدّْ هَادُوكْ اللِّي كَيْدِيرُو الشَّرّْ».

وْخَاصّْ التَّزْيِينْ دْيَالْكُمْ مَا يْكُونْشْ مْنْ عْلَى بْرَّا، بْحَالْ تْصْوَابْ الشّْعَرْ الْغَالِي، وْالتَّزْيِينْ بْالدّْهَبْ، وْاللّْبَاسْ دْ الْحْوَايْجْ الرّْفَاعْ، وَلَكِنْ خَاصُّه يْكُونْ مْنْ لْدَاخْلْ، مْنْ الْقَلْبْ. زِينْ الرُّوحْ الضّْرِيّْفْ الْمْهَدّْنْ، هَادَا هُوَ الزِّينْ اللِّي مَا غَيْفْنَاشْ وْقِيمْتُه كْبِيرَة عَنْدْ اللَّهْ.

حِيتْ مْكْتُوبْ فْكْتَابْ اللَّهْ: «اللِّي بْغَا يْتّْمَتّْعْ بْالْحَيَاةْ وْيْشُوفْ يَّامْ زْوِينَة، خَاصُّه يْحْضِي لْسَانُه مْنْ الشَّرّْ وْفُمُّه مْنْ كْلَامْ الْغْشّْ، وْيْبَعّْدْ عْلَى الشَّرّْ وْيْدِيرْ الْخِيرْ، وْيْقَلّْبْ عْلَى الْهْنَا وْيْتْبْعُه.

وْفْاللّْخْرْ، كُونُو كُلّْكُمْ مْتَّافْقِينْ عْلَى رَأْيْ وَاحْدْ، وْحْسُّو بْبَعْضِيَّاتْكُمْ، وْبْغِيوْ بْعْضِيَّاتْكُمْ بْحَالْ الْخُوتْ، وْكُونُو حْنَانْ وْمْتْوَاضْعِينْ، مَا تْرَدُّوشْ الشَّرّْ بْالشَّرّْ، وْلَا الْمْعْيَارْ بْالْمْعْيَارْ، وَلَكِنْ بْالْعَكْسْ طْلْبُو اللَّهْ بَاشْ يْبَارْكْهُمْ، عْلَاحْقَّاشْ هَادْشِّي عْلَاشْ عَيّْطْ لِيكُمْ اللَّهْ بَاشْ تْوَرْتُو الْبَرَكَة دْيَالُه.

وْشْكُونْ يْقْدَرْ يْآدِيكُمْ إِلَا كَانْتْ عَنْدْكُمْ الْغِيرَة بَاشْ تْدِيرُو الْخِيرْ؟

وْيْبَعّْدْ عْلَى الشَّرّْ وْيْدِيرْ الْخِيرْ، وْيْقَلّْبْ عْلَى الْهْنَا وْيْتْبْعُه.

حِيتْ خْيَرْ لِيكُمْ تْتْعَدّْبُو وْنْتُمَ كَتْدِيرُو الْخِيرْ، إِلَا كَانْ هَادَا هُوَ مُرَادْ اللَّهْ، وْمَا تْتْعَدّْبُوشْ وْنْتُمَ كَتْدِيرُو الشَّرّْ.