Popular Bible Verses from بُطْرُسْ اللّْوّْلَى 1

Share

يْتْبَارْكْ اللَّهْ بُو رَبّْنَا يَسُوعْ الْمَسِيحْ، اللِّي بْرْحَمْتُه الْكْبِيرَة وْلَدْنَا مْنْ جْدِيدْ لْوَاحْدْ الرّْجَا حَيّْ مْلِّي بْعَتْ يَسُوعْ الْمَسِيحْ مْنْ الْمُوتْ، وْلْوَاحْدْ الْوَرْتْ عَمّْرُه مَا غَيْفْنَى وَلَا يْفْسَدْ وَلَا يْدْبَالْ، مْخَبِّيهْ لِيكُمْ اللَّهْ فْالسّْمَا،

رَاكُمْ كَتْفَرْحُو بِيهْ، وَاخَّا دَابَا لَابْدّْ مَا تْحَزْنُو شِي وَقْتْ قْلِيلْ بْسْبَابْ ݣَاعْ نْوَاعْ التَّجْرِبَاتْ، بَاشْ يْبَانْ إِيمَانْكُمْ الْحْقِيقِي. وْرَاهْ كِمَا كَتْصَفِّي الْعَافْيَة الدّْهَبْ، هَكَّا حْتَّى إِيمَانْكُمْ اللِّي غْلَى بْزَّافْ مْنْ الدّْهَبْ كَيْتّْجَرّْبْ. وْبْسْبَابْ الْإِيمَانْ غَتْرَبْحُو الشُّكْرْ وْالْعَزّْ وْالْكَرَامَة مْلِّي غَيْرْجَعْ يَسُوعْ الْمَسِيحْ،

وَلَكِنْ كُونُو حْتَّى نْتُمَ مْقَدّْسِينْ فْكُلّْ حَاجَة كَتْدِيرُوهَا بْحَالْ الْقُدُّوسْ اللِّي عَيّْطْ لِيكُمْ. عْلَاحْقَّاشْ كْتَابْ اللَّهْ كَيْݣُولْ: «كُونُو مْقَدّْسِينْ حِيتْ أَنَا قُدُّوسْ».

كُونُو طَايْعِينْ بْحَالْ الدّْرَارِي الصّْغَارْ وْمَا تّْبْعُوشْ الشَّهَوَاتْ اللِّي كَانُو عَنْدْكُمْ مْنْ زْمَانْ قْبَلْ مَا تْعَرْفُو الْمَسِيحْ،

عْلَى هَادْشِّي كُونُو عْلَى بَالْ وْكُونُو مْوَݣّْضِينْ، وْدِيرُو رْجَاكُمْ كُلُّه فْالنِّعْمَة اللِّي غَتّْعْطَاكُمْ مْلِّي غَيْرْجَعْ يَسُوعْ الْمَسِيحْ.

عْلَاحْقَّاشْ كْتَابْ اللَّهْ كَيْݣُولْ: «النَّاسْ كُلّْهُمْ بْحَالْ الرّْبِيعْ وْالْعَزّْ دْيَالْهُمْ بْحَالْ نُوَّارْ الرّْبِيعْ. الرّْبِيعْ كَيْيْبَسْ وْالنُّوَارْ دْيَالُه كَيْطِيحْ، وَلَكِنْ كْلْمَةْ الرَّبّْ كَتْبْقَى تَابْتَة عْلَى الدّْوَامْ». وْهَادْ الْكْلْمَة هِيَ الْإِنْجِيلْ اللِّي تْخَبّْرْتُو بِيهْ.