Popular Bible Verses from يُوحَنَّا اللّْوّْلَى 4

Share

الْخُوفْ مَا كَايْنْشْ فْالْمْحَبَّة، وَلَكِنْ الْمْحَبَّة الْمْكْمُولَة كَتْخَرّْجْ الْخُوفْ عْلَى بْرَّا، عْلَاحْقَّاشْ الْخُوفْ كَيْجِي مْلِّي كَيْكُونْ الْعِقَابْ. وْاللِّي كَيْخَافْ رَاهْ مَازَالْ مَا كْمْلَاتْ فِيهْ الْمْحَبَّة.

نْتُمَ مْنْ اللَّهْ آ وْلِيدَاتِي، وْرَاكُمْ غْلَبْتُو الْأَنْبِيَا الْكْدَّابِينْ، عْلَاحْقَّاشْ هَادَاكْ اللِّي فِيكُمْ قْوَى مْنْ هَادَاكْ اللِّي فْالدّْنْيَا.

حْنَا كَنْبْغِيوْ اللَّهْ، عْلَاحْقَّاشْ هُوَ اللِّي بْغَانَا اللّْوّْلْ.

آ خُوتِي الْعْزَازْ، خَاصّْنَا نْبْغِيوْ بْعْضِيَّاتْنَا، عْلَاحْقَّاشْ الْمْحَبَّة كَتْجِي مْنْ اللَّهْ، وْاللِّي كَيْحَبّْ رَاهْ تّْوْلَدْ مْنْ اللَّهْ وْكَيْعْرَفْ اللَّهْ.

وْاللِّي مَا كَيْحَبّْشْ مَا كَيْعْرَفْشْ اللَّهْ، عْلَاحْقَّاشْ اللَّهْ مْحَبَّة.

وْهَادِي هِيَ الْمْحَبَّة: مَاشِي حْنَا اللِّي بْغِينَا اللَّهْ، وَلَكِنْ هُوَ اللِّي بْغَانَا وْصِيفْطْ وَلْدُه دْبِيحَة تْقَدّْمَاتْ بَاشْ يْتّْغَفْرُو بِيهَا دْنُوبْنَا.

آ خُوتِي الْعْزَازْ، إِلَا اللَّهْ بْغَانَا حْتَّى لْهَادْ الدَّرَجَة، رَاهْ خَاصّْنَا حْتَّى حْنَا نْبْغِيوْ بْعْضِيَّاتْنَا.

وْهَا كِيفَاشْ بَانْتْ مْحَبَّةْ اللَّهْ فِينَا: اللَّهْ صِيفْطْ وَلْدُه الْوْحِيدْ لْلدّْنْيَا بَاشْ نْحْيَاوْ بِيهْ.

إِلَا شِي وَاحْدْ ݣَالْ: «أَنَا كَنْبْغِي اللَّهْ» وْكَيْكْرَهْ خُوهْ، رَاهْ هُوَ كْدَّابْ، حِيتْ اللِّي مَا كَيْبْغِيشْ خُوهْ اللِّي كَيْشُوفُه، كِيفَاشْ يْقْدَرْ يْبْغِي اللَّهْ اللِّي عَمّْرُه مَا شَافُه؟

وْكُلّْ مْنْ كَيْعْتَرْفْ بْلِّي يَسُوعْ هُوَ وَلْدْ اللَّهْ، اللَّهْ كَيْتْبَتْ فِيهْ وْهُوَ كَيْتْبَتْ فْاللَّهْ.

وْهَادِي هِيَ الْوْصِيَّة اللِّي عْطَاهَا لِينَا اللَّهْ: اللِّي كَيْبْغِي اللَّهْ كَيْبْغِي خُوهْ حْتَّى هُوَ.

آ خُوتِي الْعْزَازْ، مَا تِّيقُوشْ فْكُلّْ وَاحْدْ كَيْݣُولْ بْاللِّي عَنْدُه الرُّوحْ الْقُدُسْ، وَلَكِنْ جَرّْبُو الْأَرْوَاحْ اللِّي عَنْدْهُمْ بَاشْ تْعَرْفُو وَاشْ هُمَ مْنْ اللَّهْ، عْلَاحْقَّاشْ بْزَّافْ دْ الْأَنْبِيَا الْكْدَّابِينْ جَاوْ لْلدّْنْيَا. وْهَا كِيفَاشْ تْعَرْفُو رُوحْ اللَّهْ: كُلّْ رُوحْ كَيْعْتَرْفْ بْلِّي يَسُوعْ الْمَسِيحْ جَا فْالدَّاتْ رَاهْ هُوَ مْنْ اللَّهْ،

وْكُلّْ رُوحْ مَا كَيْعْتَرْفْشْ بْيَسُوعْ، رَاهْ مَاشِي مْنْ اللَّهْ، وَلَكِنْ هُوَ الرُّوحْ دْيَالْ الْعْدُو دْ الْمَسِيحْ اللِّي سْمَعْتُو بْلِّي جَايْ، وْدَابَا رَاهْ هُوَ كَايْنْ فْالدّْنْيَا.