Popular Bible Verses from 1 MULIYANA 17

Share

Kay Ma-Vatɗina Lawna vi Israyel di ala: Futuw ma ka hay dowayta ma kiɗa goy noŋɗi, mul ma hay doŋolayta ma hot gaa'a noŋɗi kaw, ta-ta hay buur ma Ma-Vatɗina ma hin niyn si gaa kay nagata.

Eliyas ma Tikbina, sa ma ziyam hay Galaadna, di tam Akab: Ma-Vatɗin ka iriya, Lawna vi Israyel ma nan ka sunumna. Humaŋu, jar busat cani maɗayn ma giɗi, niyn ma siɗi, ta-ta din mi nanu.

Eliyas da'a: Lag narɗi, tuɗag vo'o, nak ma li'e ki nak di nala. May kawni, nak ma yaw kuɗum ne' kay kotan hambul ma goor neɗe, nak maranta; bugolda nak ma kot hena kag naku hiɗi goora vagu.

Na' ka hotom dit ala: Hay sem Lawna vaŋ ma irina, fu may yiy kanɗi, nan ka hiɗi futuw ne' ɦawa hay dowayta, mul ne' ɦawa hay doŋolayta may. Ɗuwaŋ tige, nan ka vilek gu cekcelem ma', bugolda nan ma kal vo'o, nan ma kot tin kanu hiɗi goora vanu; numa ti funa, bugolda numa cub mitta.

Fokaŋ kulo'o, tuɗaŋ hay Sarepta, ta ka hay Sidon, musaŋ ɗawni. Humaŋu, nan vul hagat tam cat ta duhulta kay na' vulaŋ tina.

Futuw ma hay dowayta may vat goy noŋɗi, mul ma hay doŋolayta may hot gaaɗi kaw, kuɗ yoboy ma Ma-Vatɗin dum hiɗi vun Eliyasna.

Na' kaliya, na' li ki Eliyas di nala. Na' fi tina va'a ir liyn ŋolo, na'a hiɗi sum sa vo va'na, hiɗi Eliyas kaw.

Nam fokay kulo'o, kalay hay Sarepta. Hay li ma nam co hay vun-galana vi hoyok-ziyn kayni, nam ŋaf hiɗi cata-duhulta kep, na' ka yaw guna. Nam ya'a, ka di ta' ala: Nan siɗawagu kay nak ma tuɗ garan niy ma ci'ay neeɗa hay dowayta, kay nan min ci'e.

Naŋ ma ci niyna hay niy-ma-riŋŋa waŋŋi, nan vul hagata tam gaw-gawna kay vulaŋ tina hay liy namna may.

Na' kalay garam niyna. Nam ya' mara lo ka di ta' ala: Nan siɗawagu kay nak ma maran dir fu kag ne'.

Gaw-gawna ka maram funa hiɗi sliwna hay graw culumta, maram funa hiɗi sliwna hay vulatita kaw. Nam ka ci niyna hay niy-ma-riŋŋa.

May co hay liyn mara neeɗa niy-ma-riŋŋa so goyo, kay niy may si hay nagat noŋɗi.

Cat di tam Eliyas: Wulin kayni nan wi ala naŋ mi sana vi Lawna, yoboyna vi Ma-Vatɗina ma hay vunaŋŋa kayni ti gasita kaw.

Nam kaliya, li ki Ma-Vatɗin dum nala, nam kaliya mus goboy hiɗi niy-ma-riŋŋa vi Kerit, ma ka ɗiger vok Yordan.

Ma-Vatɗina hum del Eliyas, ciwta vi goor kayni hotay hayamu, nam hot muɗ iriya may.