Popular Bible Verses from 1 MULIYANA 18

Share

Naŋ human humge, Ma-Vatɗina, naŋ humanu, kay sumun tani ma wi ala hotsi diksi ay taŋu mi naŋ Ma-Vatɗina Lawna visiya.

Hay li ma liyn asawa kay mar vulda, Eliyas ma jobta ɦur kulo'o, nam di'e: Ma-Vatɗina, Lawna vi Abraham, Lawna vi Isaak, Lawna vi Israyel, hin sumun vaydi wi ala naŋu mi Lawna vi Israyel, hinsi wi ala nan mi sa jobta vaŋu, slen ma nan lum kafn kayni hiɗi yoboyna vaŋu.

Nala Eliyas co tam sumun kaf, nam ka disi ala: Nigi ma lak hay gal ma' ma' nala ta-ta lancitige? La Ma-Vatɗin mi Lawna, vigi kuɗumu, la Lawna vigi mi Baal, vigi kuɗumu may. Sumun min hotom ditɗi.

Ki kayn nala kuta vi Ma-Vatɗin nigay gaa'a, na' ŋal ɗifinna goyo ŋal guna, ŋal hiɗiyna hiɗi nagana, niy ma hay zulla kaw na' cum kulo kafe.

Hay li ma sumun kaf wi kayni, nisi dab voksi gaa'a di'e: Ma-Vatɗin mi Lawna! Ma-Vatɗin mi Lawna!

Hay sem ma siɗiyan kayni, nam ka di ala: ɗuwgi ɗugul ma gooro ka kalay kulo'o hay galla vi niy-lum ma ŋolla pa, nam ki way-ɓam san nala. Eliyas di'e: Jikaŋ kulo'o, daŋ tam Akab ala: Tunaŋ jukŋ kel luwayna, jikaŋ gaa'a, kay niy-ma-sina ma telaŋ tanɗi.

Ma-Vatɗina ay hiɗi Eliyas, nam jun furamu, jaŋ vok Akab ta-ta kulo vun Yisreel.

Bugol kayni Eliyas di tam Akab: Tuɗaŋu, taŋu caŋu kaw; kay suwan ka li'e kay ɗek kay niy-ma-sina.

Nam di tam sa ma sunda valamu: Jikaŋ kulo'o, ɗuwaŋ hay galla vi niy-lum ma ŋolla. Sa ma sunda valam jik kulo'o, nam ɗuwa, di tam Eliyas ala va mayɗi. Eliyas dum ala jikaŋ kulo'o sem siɗiya.

Wulini Eliyas di tam sumun kaf ala: Nigiyay goboy tanu. Sumun kaf co goboy talamu. Giwin-ma-ɗifinna vi Ma-Vatɗina ma ay ɦoy gaana Eliyas hot jakam kulo'o.

Bugol kayni, yigi sem Lawna vigiya, nan kaw, nan ma yi sem Ma-Vatɗina. Lawn ma min hot dit hiɗi kut ɗawni, ma li mi Lawn ma gasina, ki kayn nala sumun kaf ka hot dit ala: Kayn ŋaa'a.

Nam yaw hiɗiyn doogo yam ma' kuɗ ŋaɓta vi jafna vi gurona vi Yakub, ma Ma-Vatɗin di talam ala «Semda vaŋu ma ya' Israyel»

Hay li ma fatta zumalawa, Eliyas tun caw pansiya, nam ka di ala: Siwelgi hiɗi delgi kulo ŋolo, kay nam mi lawi, nam ka varis kay va'a, lebo nam ka hiɗi lopo, lebo nam kalay rogoyo; li ŋalɗi fum kalay sene, nam ma zliy kulo'o.

hiɗi hiɗiy namna nam in giwin-ma-ɗifinna kep hay semda vi Ma-Vatɗina, nam jugoɗ zul goy galamu, zul namna tasata ŋaɓ wan ma jafna ma' as hobomu.