Popular Bible Verses from Josué 6

Share

Ichaqa Josueytam Tayta Dios nirqa: Kunanmi Jericó llaqtata, reyninta chaynataq soldadonkunatapas makikiman churani.

Cornetata unay waqaqta uyariykuspaykichikmi, llapallaykichik tukuy kallpaykichikwan qaparinkichik, hinaptinmi llaqtapa muyuriqninpi perqakuna tuñiykunqa. Chayñam llaqtaman sapakama mana imata manchakuspa yaykunkichik, nispa.

Chaynaqa, qanmi tropaykikunapiwan kay llaqtata sapa punchaw huk kutita muyunkichik. Soqta punchawmi chaynata ruwankichik.

Arcapa ñawpaqnintam qanchis sacerdotekuna rinqaku, sapakama carneropa waqranmanta cornetayuqkama. Qanchis kaq punchawpim kay llaqtata qanchis kutitakama muyunkichik, sacerdotekunañataqmi cornetankuta tocanqaku.

Jericó llaqtapa punkunkunatam Israelpa mirayninkuna mana yaykunankupaq suma-sumaqta wichqarurqaku. Manam pipas lloqsirqachu nitaq yaykurqachu.

Qanchis kaq kuti muyumuyninkupim sacerdotekuna cornetankuta tocaykuptinku, llapa runakunata Josué kamachirqa: ¡Qapariychik! Llaqtatam Tayta Dios qoykusunkichik.

Tayta Diospa ñakasqan kasqanraykum kay llaqtaqa tukuy ima kaqninkunawan kuska chinkachisqa kanqa. Rahabllañam wasinpi kaqkunapiwan kawsanqa, wateqanankupaq kachamusqanchikkunata pakaykusqanrayku.