Popular Bible Verses from ROMAHAY 5

Share

Amma Buymisemuŋ mibiga ndra di, naŋ muwuɗ ndra haɗa na, ti Kristu mumuc vur ndra, ti ndra misi ar mungra ndrahay aruŋ na.

Njaha hiri na, anta gi gilaw da mbur ta, asi Buymisemuŋ a po wuɗavu naŋ le a mevel ndraˀahaya tisi ˀUf Mipal, naŋ muvula ndra di.

Mifineˀ nah ma na, ko ti bonoy ndra masaka na kwana, ndr'i ra mumulom. Asi i sinaka le, bonoy mbur masa na, a sirkaŋ ɓusaɓi. Ɓusa ɓi a cica mburo zlak angi bonoyo. Cici zlak angi bonoyo kwana, a so ti njaha hiri.

Kanah so na, i ɗiyam le jeŋŋe a mbuŋ Buymisemuŋ, asi tiɓi, ani wurenna, ndra zuy zuy ati Buymisemuŋ, mbele Buy ndra Yesu Kristu. Gi mezle Buymisemuŋ miga ndra di, ndra mideŋ gidaŋ gidaŋ anga na, miga ɓa i kiraham gu ng'ara na, i Yesu vuna, asi tiɓi ndra. Yo ndra manjaham hiri asi dudok ngi Buymisemuŋ na, i jijaham na aseˀeŋ.

Naŋ kine, ti ndra hĩhĩyahay zleˀe aruŋ na, hirak angi pas Buymisemuŋ muɗuva na, Kristu a muc vur mizli misi moˀorehey.

Ani wurenna, Kristu a ɗiya ndra le jeŋŋe ti pumbus, naŋ mipa vur ndra ma na, a sa laha ndra ti ngi himaˀ Buymisemuŋ masa zuɓa angi ndra na ta jak kwa?

Mizli haɗa a tiram migi mungrahay asi mbur pal micin mi ta. Naŋ kanah ya, Buymisemuŋ a sa ɗiya mizli haɗi jeŋŋe asi cine mi ngi mbur pal, Yesu Kristu.

Mifineˀ nah vuna ma na, i ra mumulom vur Buymisemuŋ, asi wurenna Buy ndra Yesu Kristu a ɗiya ɓi le ar wala ndra ati Buymisemuŋ.