Popular Bible Verses from ROMAHAY 4

Share

Gwat Buymisemuŋ miɓa ɗaˀ na, Abraham a wuluk cuw cuw anga ɓa a hĩhĩyaŋ mevele ta. Amma tiɓi naŋ, a tusoŋ mevel jaka, a ga dudok da Buymisemuŋ. A si na le wãˀ a mevele gisiŋ gisiŋ: gwat Buymisemuŋ miɓa le ɗaˀ le na, Buymisemuŋ a ndila le ngi gi naŋ.

Naŋ kine, a tohoko na: «Yi cufuw le ki dideˀ ngi sukwi ngi mizli haɗi.» I dideˀ ndra a mbuŋ Buymisemuŋ, naŋ mitiɓaŋ na. Buymisemuŋ mavula siifa da mizli mumucahay i naŋ, yo miɓi le a ga gwat misi anta zleˀe ta, a gi na, i naŋ vuna ma.

Buymisemuŋ a vula Kristu ɓa mizli a kiɗaka vagay, asi ndra migam gwat malambaˀa, yo a slikiɗa ti wuzla mumucahaya, ɓa a ɗiya ndra jeŋŋe a mbuŋ naŋ.

Abraham a tiɓa Buymisemuŋ le, a njih hiri le njah vurˀeŋ. Hin ngi njaha hiri na, a cuh le avu Abrahama, anta ava mata zleˀe. Vurˀe, a tiri cine ngi zigiduw haɗi teˀe, ka Buymisemuŋ miɓaŋ di zleˀe: «Dideˀ ɗikey a sa jam haɗa» tuwa.

Naŋ kine, gwat Buymisemuŋ miɓa ɗaˀ le na, i lumaka tisi tiɓi. I gwat Buymisemuŋ mavula ngataraŋ, yo ɓa a ndir i gwat mupuɗaw wãˀ da dideˀ ngi Abrahamay gar. Anta vur mizli magaka gwat ɓimujuwa maɓa na tewle ta, amma vur tiɓi kaɓa ngi Abraham, cine ndra gar na ya.

«Mizli Buymisemuŋ mupula gi gwat malambaˀ taŋhaya le, yo mupuya mungra taŋhaya le avra na, a mumulom! Mbur, Bumbulvuŋ mapura mungra naŋ kaɓa i ɓi ta na, a mumul!»

Asi mike na, Ɓimutoho a ɓi: «Abraham a tiɓa Buymisemuŋ le. Joˀ Buymisemuŋ kwana, a pura i mbur mijeŋŋe.»