Popular Bible Verses from ROMAHAY 6

Share

Asi migir ngi mbur magi mungra na, i mucu. Amma gwat Buymisemuŋ mavula ngatara na, i siifa ngi sete, asi ndra mujom ati Buy ndra Yesu Kristu.

Asi mungra anta sa zum buy a hirnga kumo mata, vur kum anta luɓ luɓ avu ɓimujuwa na mata, amma kum luɓ luɓ avu gimezle ngi Buymisemuŋ.

Ndra micam angi yam tisi muc naŋ na, kite a dikam ndra le jom ati naŋ, ɓa Kristu mislikiɗ ti wuzla mumucahay ti dudok ngi Cine naŋ na, ndra kwana, gwat ngi gi ndra a mbiɗi le nawaya ya.

Hirzlik ngi dumvu kumoy na, anja ki gam taŋ slra ngi mungra kaɓa gwat ngi vurum ngi gi gwat mijeŋ ta na mata. Amma hirzlik kumoyo, taŋ kaɓa gwat ngi vurum ngi gi gwat mijeŋŋehey, yo kaɓa mizli misi ti siifahay mislikiɗam le ti wuzla mumucahay.

Slukum wala ngi ɓi ani kuy kuy: dumvu ndra magala na, a diraka le jom ati Kristu avu dum mizlira, ɓa dumvu ndra magi mungra a hiryi. Yo ndr'i beke ngi mungrahay mata na vurˀeŋ.

Naŋ kanah ya, kumo kwana, puraka vu kumo kaɓa ki micam le avu mungra. Amma ar kum mujom ati Yesu Kristu na, kum ti siifa vur Buymisemuŋ.

I sa ɓam mbri ska? Zuwen i ndiram ar mungra ɓa Buymisemuŋ a ga ndra mezle haɗi kwa? Kay, kanah ta wãˀ! Avi ɓi ngi gi mungra na, ndr'i mumucahay ɓula. Na, i sa ndiram angi mungra mbri mbri aruŋ maka?

Da kum mira gam slra ngi mbur na, kum ka bekehey ɓa ki cinakaŋ mi, yo ki tiram beke naŋhay le ko da ngi gi slra ngi mungra maru ti mbur ng'ar mucu, malla ko da i slra ngi cine mi maru ti mbur nga ɗiyi jeŋŋe na, ki sinaka ta kwa?

Gukum sise da Buymisemuŋ! Kum i beke ngi mungrahay zleˀe, amma wurenna, dubun mupurla kum mitiɓaka na, ki jaka le a hirnga ti mevel purla. Ki laham le ti vu mungra, joˀ ki tiram beke ngi gi gwat mijeŋŋe.